Кичевските матуранти полагаат мајчин јазик

Во рамките на државната матура денес во ОСУ„ Мирко Милески“ Кичево 181 матурант полагаат мајчин јазик. Полагањето започна во десет часот и ќе трае четири часа. Полагањето е организирано според сите протоколи за Ковид 19 од мерење на телесна температура при влезот, до задолжително носење на маска и со пропишан број полагачи во една училиница, најмногу 15, истакна за МИА Бране Стојаноски, член на стручната служба во училиштето.

-ДЕНЕС ВО НАШЕТО УЧИЛИШТЕ МАТУРАНТИТЕ ПОЛАГААТ МАЈЧИН ЈАЗИК. ОД 181 КАНДИДАТ 165 МАТУРАНТИ ПОДЕЛЕНИ ВО 11 УЧИЛНИЦИ ПОЛАГААТ МАЈЧИН МАКЕДОНСКИ ЈАЗИК , ДОДЕКА ВО ДВЕ УЧИЛНИЦИ 16 МАТУРАНТИ ПОЛАГААТ ТУРСКИ ЈАЗИК.ПОЛАГАЊЕТО ЌЕ ТРАЕ ЧЕТИРИ ЧАСА И ЌЕ СЕ ОДВИВА БЕЗ ПРЕКИН. ПРАШАЊАТА ЗА ДРЖАВНАТА МАТУРА ГИ ПОДГОТВИ ДРЖАВНИОТ ИСПИТЕН ЦЕНТАР ОД СКОПЈЕ А НА ДЕНЕШНОТО ПОЛАГАЊЕ СЕ ПРИСУТНИ И ДВАЈЦА ПРЕТСТАВНИЦИ ОД МИНИСТЕРСТВОТО ЗА ОБРАЗОВАНИЕ И ДОСЕГА СЕ ТЕЧЕ СПОРЕД ПЛАНОТ, ВЕЛИ СТОЈАНОСКИ.

Тој појасни дека на 11 јуни матурантите ќе полагаат математика или странски јазик и напомена дека резултатите од денешното полагање се очекува да бидат готови до крајот на наредната седмица, а проверка на одговорите ќе се врши во Скопје

Во исто време и 150 матуранти од ОСУ„ Дрита“ полагаат мајчин јазик.

-ДЕНЕС 150 МАТУРАНТИ ПОДЕЛЕНИ ВО 10 УЧИЛНИЦИ ПОЛАГААТ МАЈЧИН ЈАЗИК. НА ДЕНЕШНОТО ПОЛАГАЊЕ ИМАМЕ МАЛ БРОЈ НА ОТСУТНИ УЧЕНИЦИ, КОИ ОД ОПРАВДАНИ ПРИЧИНИ НЕ ПРИСУСТВУВААТ НА ИСПИТОТ. ГРУПИТЕ ЗА ДЕНЕШНОТО ПОЛАГАЊЕ ГИ ФОРМИРА ДРЖАВНИОТ ИСПИТЕН ЦЕНТАР, А ДОЛЖИНАТА НА ПОЛАГАЊЕТО ЌЕ ИЗНЕСУВА ЧЕТИРИ ЧАСА, ВЕЛИ ФЕСТИ АХМЕТИ, ДИРЕКТОР НА УЧИЛИШТЕТО.