Приведени криумчари од кумановско, пронајдени четири лица мигранти од Куба

Полициски службеници од Полициската станица за граничен надзор Сопот при Регионалниот центар за гранични работи Север, денеска во 11:40 часот во кумановското село Сопот, ги лишиле од слобода М.Б.(26) и С.М.(28), двајцата од село Сопот.

Како што информираат од МВР, при преглед во возило „фолксваген голф“ со кумановски регистарски ознаки, во кое биле двајцата, биле пронајдени четири лица мигранти од Куба, од кои еден малолетник. За настанот бил запознаен јавен обвинител, а мигрантите биле спроведени во прифатно-транзитен центар.

По целосно расчистување и документирање на случајот, против двајцата ќе биде поднесена соодветна пријава.