Кичевчанец крадел дрва, откако пробал да бега удрил во службен возило на шумската полиција а потоа и физички ги нападнал

Во шумскиот појас во атарот на кичевското село Цветорача, полициски службеници од ОВР Кичево вчера го лишиле од слобода Б.В.(24) од Кичево. Тој бил затекнат од патрола на Шумската полиција и шумочуварската служба при нелегален транспорт на огревно дабово дрво што го вршел со џип.

Притоа, во обид да бега, Б.В. со автомобилот удрил во службеното возило на Шумската полиција, а потоа нападнал службеник на Шумската полиција. По целосно документирање на случајот, против него ќе бидат поднесени соодветни пријави.