Санкционирани 117 возачи за брзо возење на територија на СВР Битола

На територијата на СВР Битола денеска во периодот од 9 до 14 часот спроведена e засилена акциска контрола за санкционирање на возачи кои управуваaт возило со брзина поголема од пропишаната, при што се санционирани 117 возачи.

Како што информираат од Министерството за внатрешни работи од нив 83 возачи ја пречекориле брзината во населено место, а 34 надвор од населено место. На сите прекршители изготвени им се соодветни поднесоци.

-Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, апелирата од МВР.