Тетовчанец приведен поради семејно насилство

Полициски службеници од СВР Тетово, вчера го привеле Н.С.(33) од тетовско село поради физички напад врз неговата 31-годишна сопруга.

Од МВР известуваат дека подоцна, по наредба на јавен обвинител, бил извршен претрес во неговиот дом, при што биле пронајдени и одземени неколку пакувања со хероин и други предмети поврзани со делото.

Лицето било задржано во полициска станица и по целосно документирање на случајот против него ќе биде поднесена соодветна пријава.