ОВР Дебар поднесе кривична пријава против тетовец за „узурпација на недвижности“

Дебарското одделение за внатрешни работи поднесе кривична пријава против А.Б.(63) од Тетово, поради постоење основи на сомнение за сторено кривично дело „узурпација на недвижности“.

- Пријавениот во текот на 2023 година на катастарска парцела „Манастирец“ во општина Центар Жупа, сопственост на АД „ЕСМ“- Скопје, извршил доградба на веќе изграден објект за кој, немал соодветна документација, информираше Стефан Димоски, портпарол на Секторот за внатрешни работи-Охрид.

Месноста Манастирец, попозната како „три чешми“ се наоѓа патниот правец Дебар-Струга, на брегот на Дебарско Езеро.

Во последните години со запоседнување на имот сопственост на ЕСМ и на МПЦ-ОА (Бигорски манастир) изградени се голем број објекти, главно на жители од Скопје и Косово.