Преспанскиот Договор е уникатна прилика за помирување и затворање на дводеценискиот спор помеѓу Скопје и Атина и оваа прилика може да не се повтори веќе, порачува високата претставничка за безбедносна инадворешна политика на Европската унија, Федерика Могерини во интервју за МИА.

Собранието и политичките лидери сега треба да донесат одлука во врска со натамошните перспективи на земјата. Кога такви прашања доаѓаат во Собранието, пратениците имаат одговорност да ги стават интересите на земјата пред се друго.

Доколку уставните измени не поминат во Собрание, Македонија ги губи шансите за членство во НАТО. Пратениците треба да превземат одговорнст, со сиот ризик пред нивните симпатизери, да ги изгласаат амандманите бидејќи во моментов се најодговорни во државата, порача претседателот на Евро-атланскиот совет на Македонија Исмет Рамадани во итервју за МИА.

Република Македонија од 25 до 27 октомври ќе биде домаќин на над 700 хуманитарци, донатори, поддржувачи на хумани акции, членови на Лајонс клубовите од Европа. Во ова интервју со доц. д-р Соња И. Бојаџиева, прв човек на македонските лајонси информираме за подготвеноста на Лајонс Д132 Македонија за претстојниот Лајонс Европа Форум Скопје 2018.

Директорот и главен и одговорен уредник на МИА, Драган Антоновски во интервју по повод 20-годишниот јубилеј на Агенцијата истакна дека тимот на редакцијата постојано вложува, се обучува за најсовремено дејствување, користење на последните технички достигнувања, а на тој начин го дава и својот влог во професионализацијата на македонскиот медиумски простор.

Извршниот директор на МОСТ Дарко Алексов во интервју за МИА истакнува дека граѓанската асоцијација ќе го набљудува гласањето со околу 1.500 набљудувачи со што ќе бидат покриени околу 33 отсто од гласачките места во Република Македонија, како и 33 отсто на ниво на секоја општина.

Бојан Маричиќ, главен технички преговарач со ЕУ, во интервју за МИА вели дека Владата сака да ја вклучи опозицијата во претстојниот преговарачки процес со ЕУ, што треба да почне идната есен, и дека се чека на опозицијата да каже кој модел е најприфатлив за неа.

Претседателот на Собранието Талат Џафери во интервју за МИА ги повикува граѓаните во недела да го поддржат референдумот. Вели дека очекува мирен ден и смета дека изборните органи професионално ќе си ја завршат работата.

Македонските извозници не треба да очекуваат никакви пречки за пласман на рускиот пазар од политички причини, туку исклучиво од аспект на конкурентност, вели во интервју за МИА директорот на Македонско-руската комора, Дејан Бешлиев.

Премиерот Зоран Заев во својата порака по повод 20-годишниот јубилеј на МИА истакна дека постоењето на Агенцијата значи 20 години постојано, систематски организирано новинарско бележење на современата историја на независна Република Македонија.