Сакаме Македонија да се придружи на НАТО и ЕУ. САД се партнер на Македонија веќе 25 години и ние мислиме дека преспанскиот договор, иако е тежок, претставува фер компромис кој го отвара патот кон таа светла иднина, рече амбасадорот на САД Џес Бејли при денешната посета на Прилеп.

Гласањето на 30 септември на многу начини е уште еден референдум за зацврстување и потврдување на нашата независност. Заедно ќе ги обезбедиме нашите граници, ќе го афирмираме нашето културно наследство и нашата посебност и ќе добиеме сигурна перспектива за иднината како членка на НАТО и ЕУ, истакна премиерот Зоран Заев, промовирајќи ја кампањата за престојниот референдум „Заедно ЗА европска Македонија“.

На 30 септември има само две опции за европска Македонија или против. Гласот „За“ е за евроатланска Македонија. Јас сум убеден дека огромното мнозинство, сите политички лидери, граѓанското општество, академската заедница, медиумите се за Европа, за НАТО.

Одбројуваме до денот кога нашиот народ ќе излезе за европска Македонија. Само еден настан во поновата историја може да се спореди со предизвикот со кој се соочуваме. Тоа е настанот од пред 27 години, тоа е денот кога сите гласавме за независна Република Македонија.

Премиерот Зоран Заев попладнево во Клубот на пратениците во Скопје ќе ја промовира коалицијата „Заедно ЗА европска Македонија“ и кампањата за рефередумот на 30 септември.

Во Клубот на пратениците во Скопје попладне во 14 часот премиерот Зоран Заев во име на коалицијата која е за членство на Македонија во НАТО и ЕУ ќе го најави почетокот на кампањата за референдумот.

Кампањата на власта и останатите албански партии од опозицискиот блок ќе го носи насловот „Излези ЗА европска Македонија“. Со ваков домејн (izlezi.mk) веќе функционира и веб портал на кој пишува дека е поддржан од коалицијата „Заедно за европска Македонија“.

Претседателот Ѓорге Иванов нема да биде присутен во земјава за време на одржувањето на референдумот за промена на уставното име на Република Македонија, наведуваат денеска повеќе македонски медиуми.

Огромен процент од граѓаните ќе се изјаснат „За“ на претстојниот референдум, и впрочем и дури и тие што се против, се со мали минорни бројки и тоа е дел од таа кампања што постои во Македонија, предводена од „Бојкотирам“, изјави премиерот Зоран Заев по формалното отворање на кампањата на ЕУ „Замисли иднина заедно!“.

Едногласни се, како што се посочува, дека Република Македонија своите стратешки цели може да ги оствари единствено преку членство во НАТО и во Европската Унија и дека граѓаните и државата ќе добијат значајни придобивки од евроатлантските интеграции на земјата.