Историски најслаб одзив на гласачите на денешните Претседателски избори. Според официјалните податоци на ДИК, излезноста до 18:30 часот е 39,83%.

„Претседателски избори во Македонија: Борба за победа или за цензус?“ е насловот под кој српскиот весник „Вечерње новости“ информира за претседателските избори во земјава.

Кандидатот за претседател од ВМРО-ДПМНЕ и Коалицијата Гордана Силјановска-Давкова денеска гласаше во Основното училиште „Коле Неделковски“.

Мирен изборен ден во Штип, Свети Николе, Пробиштип и Карбинци е оценката на претседателите на општинските изборни комисии. Гласачките места се веќе затворени. Претседателката на ОИК-Штип, Сенка Андреева изјави дека до 17 часот излезеноста на 77 избирачки места е 41,5 отсто.

До 18.30 часот најгoлема излезност на гласачите во Струмичко-радовишкиот регион е забележана во општина Конче со 52 отсто од запишани 2.744 избирачи.

Одѕивот во првиот круг на Претседателските избори до 18:30 часот изнесува 39,71 отсто од обработени 91,54 проценти од избирачките места проценти или на фласање излегле околу 700 илјади граѓани, соопшти вечерва на прес-кобнференција претседателот на ДИЛ Оливер Деркоски.

„Северна Македонија избира претседател по договорот за смена на името“, е насловот на написот на Дојче веле, во кој информира за претседателските избори во државата.

Претсетдателот на Демократската партија на Албанците Мендух Тачи заедно со сопругата го оствари своето право на глас во објектот „Стара градинка“ во Тетово во 9 часот и 30 минути.

-Ако изборите бидат успешни, ако го одржиме единството во нашата земја, силно чекориме напред кон современиот свет каде што припаѓа нашата земја, Република Северна Македонија, истакна премиерот и лидер на СДСМ, Зоран Заев.

Кандидатот за претседател на државата од СДСМ и Коалицијата Стево Пендаровски по гласањето денеска изјави дека очекува мирен изборен ден, а на крајот убедлива предност.