Политичките партии со самиот почеток на изборната кампања ги искористија социјалните мрежи и медиумите за да ги претстават своите изборни програми, но не останаа имуни ниту рекламните паноа и билбордите. Низ градовите веќе може да се видат билборди на кои политичките партии се рекламираат

На вториот ден од кампањата за предвремените парламентарни избори, партиите и коалициите ќе ја претстават својата политичка понуда на средби со граѓани, почитувајќи ги притоа мерките за заштита од Ковид-19

Носителот на пратеничката листа во Изборната единица 4 и потпретседател на ВМРО-ДПМНЕ денеска, на средба со граѓани истакна дека ако му се дозволи на неговиот политички противник Зоран Заев да добие уште еден мандат, тоа ќе биде погубно.

Претседателот на ВМРО-ДПМНЕ, Христијан Мицкоски, вечерва се обрати во Охрид на првиот митинг на коалицијата „За обнова на Македонија“ каде што пред присутните истакна дека 15 јули е денот кога граѓаните масовно рамо до рамо ќе застанат и ќе ја поразат тригодишната пандемија

Дурловски пред присутните истакна дека граѓаните изминатите три години се сведоци на најголемото национално предавство од страна на актуелната власт, но и на голем број на криминални скандали, злоупотреби на власта, непотизам и реваншизам.

Коалицијата „Можеме“ предводена од СДСМ вечерва од Виница ја започна кампања во Изборната единица број 3, при што на граѓанска трибина со ограничен број присутни, беше претставена кандидатската листа за пратеници, како и предизборната програма за парламентарните избори.

-Јас не се согласувам дека невработеноста се намалила, официјалната статистика е дека има 15.000 лица се новопријавени во Агенцијата за вработување и 30.000 лица помалку земале плата за април месец коишто се без доход, вели Славески.

Демократската партија на Албанците вечерва во Тетово ја одржа првата предизборна средба со членови, граѓани и симпатизери. Лидерот Мендух Тачи посочи дека главниот фокус на неговата партија по овие избори ќе бидат пропорционалната распределба на буџетот и консензуалната демократија.

Герила акција на Унијата на млади сили Прилеп. Тие денес „сечеа“ лента на експресниот воз кој се ќе превозува патници од Прилеп до Бугарија.

Лицемерието е препознаено од сите граѓани, нагласи Царовска, додавајќи дека Преспанскиот договор е иднина за државата, а најавите на ВМРО-ДПМНЕ за чепкање во него ќе ја врати државата во изолација, скарана со соседите, на маргините.