Владата на денешната седница донесе одлука да отпочнат подготовки за спроведување серија активности по повод 30-годишнината од независноста на Република Македонија.

Комисијата за одговорност од македонската радио телевизија денеска донела одлука дека нема ништо спорно во тоа Васил Гарванлиев да ја претставува земјава на Евросонг. Оттаму велат дека боите од бугарското знаме во спотот биле само перцепција, а државјанството е лична слобода.

Европратениците подготвуваат недозволив амандман во резолуцијата за Република Македонија. Амандманот е насочен против Бугарија. Невидено е дека таков документ содржи и укор кон сегашна земја-членка, напиша потпретседателката на Бугарија Илиана Јотова на нејзиниот ФБ профил.

Во амандманите, како што јави БГНЕС, претставници на бугарската влада се обвинети за „провокативни изјави за историски прашања“ кои ја засегаат Македонија и ги повикуваат бугарските власти да се воздржат од такви изјави и покрај тековната изборна кампања во Бугарија.

Дел од аналитичарите предупредуваат дека самоизборот на Зоран Заев за старонов претседател на СДСМ е зациментирање на неговата моќ и позиција во партијата, што му дава сила да се пресметува со неистомислениците.

На денешниот министерски состанок за надворешни работи на НАТО, генералниот секретар на НАТО, Јенс Столтенберг, го честитал првиот роденден од членството на Македонија во Алијансата, јави дописничката на МИА од Брисел.

Во организација на македонската асоцијација на новинари МАН и Здружението на новинарите на Србија (УНС) денеска 100 новинари и медиумски работници од Македонија се вакцинираа против ковид-19 .

По барање на Основното јавно обвинителство за гонење на организиран криминал и корупција денеска е извршен претрес во повеќе објекти. Претресот е во рамки на истражните дејствија во предметот во јавноста познат како „Плацеви на Водно“, информира во соопштение Јавното обвинителство на Република Македонија.

Според министерот за правда, проблемот со Бугарија може да се реши само преку заемно почитување и со европско однесување. Доколку се има искрен пристап и однос кој не е потценувачки за никого, договор и одблокирање на процесот е можен, наведува Министерството за правда.

Претреси во објекти во сопственост на поранешниот премиер Никола Груевски и поранешниот министер за транспорт и врски Миле Јанакиески утринава се извршени во Скопје и Прилеп, пренесува „Слободен печат“.