На огласите што ги објави денеска Владата за именување директори и нивни заменици во повеќе државни управи, агенции, дирекции, фондови, можат да се пријават сите граѓани кои ги исполнуваат условите, вели владиниот портпарол Миле Бошњаковски.

Министерот за надворешни работи Никола Димитров денеска изјави дека владите на Македонија и на Грција работат на повторно отворање на граничниот премин Маркова Нога – Герман, во Преспа.

Армијата на Репиблика Македонија во 2018 година ќе се подмладува со прием на 375 професионални војници, најави денеска министерката за одбрана, Радмила Шеќеринска, која ја посети Здружената Оперативна Команда (ЗОК).

Причина за одложувањето, како што образложи судијката Добрила Кацарска на денешното рочиште, е тоа што се уште не добиен одговор за поднесена жалба од Апелацискиот суд. Од истата причина беше одложено и претходното рочиште.

Министерството за внатрешни работи и сите останати органи ќе го истражат настанот детално и во најкраток можен рок ќе ги претстават информациите во јавноста. Секој мора да понесе одговорност согласно законите, лице кое сторило ваков тежок прекршок и довело во опасност друго лице не може да раководи со државна институција.

Со одлука на Владата која треба да биде донесена наскоро ќе се изврши преименувањето на скопскиот аеродром и на автопатот, што беше најавено по средбата на премиерот Зоран Заев со неговиот грчки колега Алексис Ципрас во Давос.

Медијаторот на ОН во спорот за името Метју Нимиц, по посетата на Атина, денеска пристигна во Скопје на дводневни разговори со македонскиот државен врв.

Вицепремиерот задолжен за европски прашања Бујар Османи, во рамки на работната посета на Австрија, учествуваше на една од најпрестижните конференции во Европа, „Виена Конгрес КОМ - СУЛТ 2018“ (Vienna Congress com - sult 2018).

Судијата Горан Бошевски на почетокот рече дека судењето почнува од почеток бидејќи е променет судечкиот совет. На рочиштето присуствуваат Груевски, Јанакиески, Пешевски и Георгиевски.

Обвинителниот акт на СЈО за предметот „Титаник“ денеска е одобрен од Советот за оценка на обвинителен акт при Основниот суд Скопје 1.