Со 700.000 евра поддршка од ЕУ, до 2020 година во Македонија ќе се спроведува проект за уредување на пазарите.

Предлог-законот за тутун влегува во собраниска процедура. Со ова сосема ново законско решение што беше усвоено на вчерашната владина седница, целосно се укинуваат евидентните листови или т.н „бели картони“. Тутунарите ќе склучуваат договори директно со откупните претпријатија. Се поедноставуваат административните постапки за производтелите, но се уредува и целокупниот процес на производство, договарање, откуп, обработка и промет.

Откако не се јавиле заинтересирани страни на тендерот за одржување на 400 електронски алки за осудениците на кои им е изречена казна затвор во домашни услови, Управата за извршување санкции ќе распише нов тендер, најави денеска директорот на Управата за извршување санкции, Јовица Стојановиќ.

Претседателот на Здружението за градежништво при Стопанската комора на Македонија Андреја Серафимовски очекува годинава да се реализира најавениот градежен бум и да се вратат стапките на раст во градежништвото каков што имаше во 2014 – 2015 година.

Меѓународниот фонд на Вишеград за академската 2019/2020 година доделува стипендии за редовни, магистерски, докторски и постдокторски студии во сите научни дисциплини за студирање на високообразовни институции во земјите на Вишеград (Чешка, Словачка, Унгарија и Полска).

Со честитка упатена до граѓаните на Решпублика Македонија по повод потпишаниот Протокол за членство на Македонија во НАТО, министерот за економија Крешник Бектеши ја започна прес конференцијата на која ги претстави мерките и активности содржани во годинешната Програма за развој на туризмот.

Во Приштина денеска се одржа церемонија на потпишување на Комерцијалниот договор меѓу јавното претпријатие на косовските железници „Инфракос“ и италијанската фирма ГЦФ (Generale Construzioni Ferrovarie) за рехабилитација на железничката линија од Косово Поле до Генерал Јанковиќ, односно до границата со Македонија, јави дописникот на МИА од Приштина.

По вчерашното усвојување на Уредбата со која се регулира исплатата на планираната поддршка од 200 милиони денари за „зелената нафта“, процесот е целосно откочен и може да се пристапи кон избор на економски оператор преку кој земјоделците ќе набавуваат субвенционирано гориво, рече денеска директорот на Платежната агенција Николче Бабовски.

Поддршка на конкурентноста, јакнење на регионалното поврзување и поддршка за „зелената економија“ се трите приоритети кон кои ќе биде насочена новата Стратегија за соработка на земјава со Европската банка за обнова и развој (ЕБОР) 2019-2023 година.

Вицепремиерот за економски прашања Кочо Анѓушев денеска ќе биде во работна посета на Берлин, каде што ќе има средба со Клаудија Дер Вос, државен секретар во Сојузното министерство за економија и енергетика.