Македонски компании ќе можат бесплатно да учествуваат на КОНЕКСТ – првиот индустриски состанок на Конфиндустрија Италија која обединува над 160 илјади италијански компании, а ќе се одржи во Милано на 7 и 8 февруари годинава.

Собранието на Република Македонија денеска ќе ја одржи 80. седница на која единствена точка на дневен ред е Предлог законот за спречување на корупцијата и судирот на интереси, по скратена постапка и со европско знаменце.

Воспоставувањето цврст и ефикасен систем за заштита на националните финансиски интереси и на финансиските интереси на ЕУ, преку ефикасно следење на фалсификувањето евра е целта на твининг лајт проект, кој се спроведува од 1 ноември минатата година со парични средства од Европската унија, во износ од 250 илјади евра.

Програмите за промоција на обновливи извори на енергија и поттикнување на енергетска ефикасност во домаќинствата за 2019 година и за конкурентност, иновации и претприемништво за 2019 година, предложени од Министерството за економија денеска беа усвоени на Владина седница.

Министерството за економија за годинава има одвоено 53 милиони денари за Програмата за конкурентност, иновативност и претприемништво. Програмата, како што информира министерот за економија Крешник Бектеши, годинава ќе се спроведува во четири делови.

Мала економија како Република Македонија не може да има избори секоја година, но тоа е политичка одлука, порача денеска министерот за економија Крешник Бектеши.

Стопанската комора на северозападна Македонија апелира до нејзините членки да аплицираат за искористување на финансиските средства од ИПАРД Програмата. Од Комората велат дека им стојат на располагање на компаниите за стручен совет и помош околу изработката на проектите и процесот на аплицирање.

Членството во НАТО имаше огромно влијание врз економскиот развој на другите земји во регионот и не постои причина зошто тоа не би било случај и со Македонија. Ова го истакна министерот за финансии Драган Тевдовски на отворањето на Форумот на Централна и Југоисточна Европа „Еуромани“, кој се одржува во Виена Австрија.

Кога ќе се врати ВМРО ДПМНЕ на власт прво што ќе направиме како дел од економската програма е враќањето на рамниот данок, оти прогресивниот е удар врз економијата, порача вечерва во „Отворено на Алфа“ универзитетскиот професор и член на ИК на ВМРО ДПМНЕ, Трајко Славески.

Австриска поддршка и пренос на добри практики, вештини и know-how во три клучни области – дигитализација, образование и бизнис интегритет во следните пет години ќе биде обезбедена за шесте комори од земјите на Западен Балкан.