Во Домот на културата во Демир Хисар, кој е Град на културата во 2018-та, вечер од 20 часот ќе биде отворена изложбата „Зерорендум“ на „Колектив Зеро“.

Со пристигнувањето на преку 50 коњаници од цела Македонија на Гумење во Крушево, пеш од центарот на градот заедно со бројни делегации и граѓани и со читањето на Манифестот на Крушевската Република синоќа на Гумење во Крушево беа отворени Научно-културните средби „Десет дена Крушевска Република“.

Македонската филхармонија под диригентската палка на Џијан Емин и американскиот музичар и диџеј Хуан Аткинс вечер, во 22 часот во Античкиот театар во Охрид, ќе одржат концерт на електронска и класична музика.

По распродадените концерти, полните сали, овациите од публиката, но и од критиката на настапите од турнејата низ Австралија и Нов Зеланд во текот на минатиот месец, нашиот пијанист Симон Трпчески ја продолжува соработка со македонскиот композитор што живее и работи во Велика Британија, Панде Шахов.

Во издание на Здружението на книжевните преведувачи на Црна Гора излезе од печат книгата за деца „Волшебни крила“ од македонскиот писател Наум Попески.

Културната манифестација „Дојрански ракувања“, која се одржува од далечната 1976 година, во јули стартуваше со разновидни културно-уметнички содржини, но за август се најавува особено богата програма.

Поетот и новинар во пензија Панде Манојлов е годинашен добитник на наградата „Книжевен круг“ на Друштвото на писатели „Битолски книжевен круг“.

Со настап на атрактивната фолклорна група од шпанскиот град Лорка, како и со избрана автентична програма на уметници од Севрен Кипар, Полска, Јапонија и од Грција, вечер во Битола завршува 48. издание на фестивалот на народни песни и игри „Илинденски денови“.

Најпознатиот македонски гитарист Влатко Стефановски вечер ќе има концерт во Античкиот театар во Охрид. Нашиот гитарски виртуоз ќе настапи со гостите и негови пријатели Теодосиј Спасов од Бугарија, хармоникашот Танос Ставридис од Грција, Биља Крстиќ од Србија, Весна Гиновска Илкова и групата „Љубојна“ од Македонија. Посетителите ќе можат да го слушнат неговиот последен проект, албумот „Мајчин јазик“.

Со вечерашниот концерт на Камерниот оркестар на Музичката младина на Македонија (Сули ан, 20.30), „Скопско лето“ го завршува 39-тото издание.