Со традиционалниот Велигденски концерт, синоќа во Пехчево беа одбележани 75 години постоење на Културно-уметничкото друштво „Јане Сандански“. Пред преполната сала во Домот на култура на концертот учествуваа над 100 играорци од Пехчево, како и гости од Делчево.

Во Градската библиотека „Браќа Милдиновци“ во Скопје денеска ќе биде промовирана книгата „Ковчеже со книжни бисери“ од Милован Стефановски. Збирката содржи мудри мисли од сто современи македонски писатели или од вкупно триста книжевни дела.

Филмот е подготвуван според мотиви од „Дневник по многу години“ на Конески, од истакнатиот македонски документарист, Никола Т. Калајџиски. Во продукција е на „Контраст филм“, а продуцент е Златко Димески.

Исто како и минатата година, „Златна рамка 2023“ ќе продолжи со спроведување на социјалната програма „Фокус“, која е наменета за публиката која од најразлични социјални ограничувања не може да ги посети киното „Фросина“ и Кинотека.

По повод Меѓународниот ден на културното наследство денеска има слободен влез за посетителите на осумте музејски поставки во Прилеп. Од прилепскиот „Завод и музеј“ се задоволни со денешните посети, особено на ученици и на децата од предшколска возраст.

„Ајварко, Кифи и мистер Хамбургер“ е новата детска театарска претстава која утре ќе ја доживее својата премиера.

Друштвото на писатели на Македонија денеска организираше настан „Во име на новото“, кој, како што беше кажано, има за цел да го промовира новото творештво на македонските автори. Беа претставени авторите Јулијана Величковска, Игор Анѓелков и Иван Антоновски.

Самостојната изложба „Неизложени дела на хартија“ на македонскиот сликар Сергеј Андреевски в петок ќе биде отворена во општина Каламариа во Солун.

Избор поезија од современиот македонски поет, романсиер и драматург Стефан Марковски ќе биде претставен во рамки на фестивалот „Пронајдени во преводот“ во Гдањск, Полска.

Во Битола почнува нов детски фолклорен фестивал „Весел петок“, чиј организатор и домаќин е културно-уметничкото друштво „Илинден“ од овој град.