Зачестена дезинфекција, обезбедени изолациони соби за сомнителни случаи на заразени од мали сипаници и за хоспитализација се дел од мерките што ги преземаа кумановската болница и Центарот за јавно здравје Куманово, откако се зголеми бројот на заразени од морбили со потекло од Куманово информираа денеска, одговорните од двете здравствени установи.

Македонско друштво „Илинден”со седиште во Тирана и разгранокот за Голо Брдо по повод Меѓународен ден на мајчиниот јазик, 21 февруари, упатува честитка до македонското национално малцинство во Република Албанија, како и до сите Македонци ширум светот.

Со поддршка на Министерството за локална самоуправана и УНДП, Општините Дојран, Студеничани, Чешиново-Облешево и Кривогаштани успешно подготвија техничка документација за реализација на инфраструктурни проекти за поттикнување на развојот на руралниот туризам.

Дигитални алатки во угостителството и туризмот, за резеревација на туристички водич, како и мобилна апликација за Националниот парк „Маврово“ беа промовирани денеска во Скопје по повод Светскиот ден на туристички водичи. Проектот е втора фаза од веб платформата и е финансиран од Швајцарската Амбасада во земјава. Првата фаза, лани, била изградба на современ регистар за туристички водичи.

Општина Кочани ја разгледува иницијативата за откуп на оризовата слама по завршување на жетвата за да се спречи нејзиното палење, како една од причините за загаденоста на воздухот.

Јавното претпријатие “Комуналец” од Крива Паланка потпиша договор за користење грант од амбасадата на Јапонија во земјата, како дел од програмата за мали грантови за 2019 година.

Советот на Општина Демир Хисар изработи и усвои стратешки документ „Урбанистичка ревизаија за Општина Демир Хисар“, во кој на повеќе од 30 страници се посочени и публикувани интегрирани податоци за повеќе области поврзани со развојот на тамошната општина.

Претставници од Министерството за земјоделство, шумарство и водостопанство, денеска, во Скопје ќе имаат работен состанок со производителите на јаболка од преспанскиот регион, на кој што ќе присуствуваат откупувачи и претставници од преработувачката индустрија.

Кампањата „ЕУ за ТЕБЕ“ што ја спроведува Делегацијата на ЕУ во земјава, оваа пролет ќе биде фокусирана на младите, а Тетово ќе биде првиот град што во рамки на кампањата ќе го посетат амбасадорот Самуел Жбогар и Никола Бертолини, раководител на секторот за соработка во Делегацијата.

Барањата од областа на комуналното уредување во општина Гевгелија брзо и навреме се решаваат бидејќи во најчест случај тие се однесуваат за решавање на комунални зафати, за дореализација на некој инвестициски зафат или пак за реализација на некој бизнис план, информираат денеска од одделението за уредување на градежно земјиште, патишта и улици при општина Гевгелија.