Во штипската Клиничка болница само еден лекар специјалист врши колонскопски прегледи. Директорот на Клиничка болница-Штип Ален Ѓеорѓијев рече дека станува збор за проблем кој во наредниот период треба да се надмине.

Од 16 до 18 февруари полицијата контролираше вкупно 314 патнички и други моторни возила на подрачјето на СВР Охрид, од кои 82 возила во Кичево.

Општина Велес продолжува со активностите за отстранување на дивопоставени времени објекти чија бројка според проценките на општинските служби изнесува 600. Во текот на минатата година на потегот од општинската зграда до Комплекс Узус од вкупно 211 дивопоставени времени објекти сопствениците сами отстраниле 60 вакви објекти.

Изгоре поголема површина трска од крајбрежниот појас на Охридското Езеро на потегот од Струга до селото Калишта. Екологистите забележуваат дека трската намерно се пали, со што се расчистува терен за изградба на хотели и плажи.

Со повик на телефонскиот број 13112 од сите оператори на мобилната и фиксната телефонија во земјата можете да остварите контакт со специјализираната служба за спасување во планина што е оперативна во регионот на општините Охрид, Струга, Ресен, Дебрца и Вевчани.

Интензивно се гради втората фаза од обиколницата на булеварот „Гоце Делчев“ во Штип, што ќе овозможи поврзување на индустриските зони со населбите „Автокоманда“, „ 8 Ноември“, „Баби“, „Дузлак“ и „Сењак“. На овој дел од обиколницата ќе се гради и новиот кружен тек, што ќе го забави сообраќајот за поголема безбедност на учениците, студентите и работниците во околните фабрики.

Ќе се реконструира некогашната најпозната дискотека во Кавадарци која долго време е дувло на наркозависници. Со мнозинско „за” и само еден воздржан глас, Советот на Општината денеска ја изгласа предлог одлуката за усвојување на физибилити студија за јавно приватно партнерство за реконструкција на комплексот „Ла Луна”, со воведување на нови спа содржини.

Во изминатите три дена, (16-ти, 17-ти и 18 февруари) на поширокото гостиварско подрачје спроведени се засилени сообраќајно-контролни активности за брзина, во кои биле откриени 21 прекршок со пречекорување на дозволената брзина.

Полицијата од Секторот за внатрешни работи – Охрид изминатите три дена сповела повеќе сообраќајни акциски контроли, при што се опфатени 314 патнички и други моторни возила, а спроведени се и алкотестови на вкупно 144 возачи.

Комуналните служби на Општина Карпош денеска запленија нова количина од 150 отпадни гуми, на потегот околу Бардовци, што во овој период од годината, главно се користат како огревно средство.