Променливо облачно, значително постудено и ветровито време не очекува од утре до четврток поради продор на многу студена воздушна маса од север.

Јавното претпријатие „Комунална хигиена” – Скопје во координација со урбаната заедница во населбата Топаана денеска подели дополнителни сто канти за собирање на отпадот од индивидуалните домаќинства на улицата Максут Садик.

Штипската Клиничка болница набави нов современ апарат за Одделението за анестезиологија, кој ќе се користи за хируршки интервенции. Директорот на Клиничка болница – Штип, Ален Ѓеорѓијев, на денешната прес-конференција истакна дека станува збор за апарат, кој чини 40.000 евра, а средствата се обезбедени од буџетот на болницата.

Полициските контроли низ источна Македонија во изминатите 10 дена покажале дека возачите и понатаму своите возила ги управуваат со брзина поголема од дозволената. Портпаролот на СВР-Штип, Гордана Панајотова денеска информираше дека санкционирани се вкупно 325 возачи.

Заедницата на единиците на локална самоуправа на Македонија (ЗЕЛС) дава целосна поддршка за активностите на комисијата за еднакви можности на жените и мажите во Кочани, особено што таа е меѓу поактивните во државата и веќе реализираше поголем број мерки за почитување на принципот на родовата еднаквост.

По затоплувањето на политичките односи меѓу Македонија и Грција со потпишувањето на Преспанскиот договор, во Гевгелија повторно се актуелизира прашањето за отворање на некогашниот граничен премин Гевгелија-Идомени.

Најмногу уште десет тони тутун треба да биде откупен во наредните денови и со тоа целосно да заврши откупот за оваа сезона, информираат од Здружението на тутунопроизводители „Басмак“ од Василево.

Општина Струмица доставила барање до Владата за намалување на стапката на данокот на додадена вредност (ДДВ) за гасот од 18 на пет проценти.

Утрово и синоќа Куманово беше најзагаден град во Македонија. Нивото на ПМ десет честичките во моментов се неколкукратно зголемени и изнесуваат 242 мг/м3. Синоќа, пак беа уште повисоки и се движеа од 411 до 380 мг/м3. Во доцните вечерни часови во Куманово мирисаше на чад, но се ширеше и специфичен продорен мирис.

Над 500 планинари од Македонија и од планинарскиот клуб „Железничар 2006“ од Врање денеска се искачија на врвот Клепа на надморска височина од 1150 метри, во спомен на планинарите Калина Велевска и Александар Миновски кои на денешен ден пред една година загинаа на Кајмакчалан.