Претседателот на Владата Зоран Заев на вчерашната трибина со граѓаните на Охрид најави дека приоритет на централната власт кога станува збор за градот ќе биде целосна реконструкција на колекторскиот систем за заштита на Охридското Езеро.

Управата за хидрометеоролошки работи (УХМР) соопшти дека следува период на променливо облачно и потопло време, што на повисоките места и на планините ќе предизвика забрзано топење на снежната покривка.

Почна поставувањето електронски водомери во Куманово. Првите корисници се граѓаните од централното градско подрачје. Станарите од зградa од улицата „Пионерска“ во централното градско подрачје добија нови водомери што ги поставија екипите на јавното претпријатие „Водовод“.

Сообраќајот на патиштата се одвива во зимски услови по претежно влажни коловози, на некои повисоки места со остатоци од кашест снег на коловозот по интервенција на нашите дежурни служби, соопшти ЈП Македонија пат.

Почнувајќи од 04.02 и се до 14.02 се организира хуманитарна акција со која ќе се собираат чевли кои се во добра состојба и ќе можат да се реупотребат. Истите ќе бидат донирани на Регионалниот центар за лица со интелектуална попреченост -ПОРАКА.

Градоначалникот Аце Коцевски денеска информираше дека новиот затворен пливачки базен ќе биде лоциран во непосредна близина на постоечкиот градски базен, на самиот влез од северната страна каде во моментов се поставени реквизити за деца.

Вработени во ЗК „Пелагонија“-Битола денеска одржаа мирен протест заради неисплатени плати. На протестниот собир вработените побараа исплата на сите неисплатени плати за да не биде прекинат работниот процес во сите работни единици, а посебно во фармите каде се одгледуваат расни крави.

Истражувања на јавното мислење на теми од интерес на граѓаните и поврзани со пристапниот процес кон Европската унија ќе бидат презентирани во рамки на новиот телевизиски магазин „Детектор“.

Отстранета е карпата од патот Кочани – Македонска Каменица, која утринава го попречи сообраќајот.

Одделението за инспекциски надзор на комуналните работи од советниците на општина Гевгелија доби задача во сите населени места во општината да определи места за депонирање на градежен шут и кабаст отпад кој не спаѓа во комунален.