Заинтересираните пријавувањето можат да го потврдат на официјалната страна „Ohridtrail.mk"која изобилува со информации напишани на оригинален охридски дијалект.

Вандалите во Делчево повторно го покажаа своето грдо лице. Овој пат својот бес го истурија врз млади насади во градскиот парк кај новата црква, кои без никаква причина се скршени на пола. Граѓаните кои живеат во близина на паркот револтирани од негрижата на несовесните.

Зголемен е водостојот на Дојранското Езеро, на Вардар кај Јегуновце, Велес и кај Демир Капија, на Пчиња кај Катлановска бања и на Брегалница кај Штип во однос на просекот за февруари, покажуваат мерењата на Управата за хидрометероролошки работи (УХМР).

Поради сообраќајка од 08:30 часот изутринава е во прекин сообраќајот на регионалниот пат Струмица-Берово, во село Петралинци.

Сообраќајот на државните патишта се одвива во зимски услови по влажни коловози, на некои повисоки места со остатоци од кашест снег на коловозот по интервенција на дежурните екипи на ЈП Македонија пат. Намалена видливост поради магла до 50-100 метри има кај Страцин, Кула, Делчево и Смојмирово, информира Автомотосојузот на Македонија. (АМСМ).

Свечено затворање на обуката „Идентификување на потеклото на пожар-несреќен случај или кривично дело“ ќе се одржи денеска во Центарот за Обука во Идризово во организација на Дирекцијата за заштита и спасување.

Слаб снег провејува во Охрид, Струга, Ресен и на планинските превои Буково и Ѓавато. Сообраќајот на државните патишта се одвива во зимски услови по влажни коловози, а на некои повисоки места со остатоци од кашест снег на коловозот и по интервенцијата дежурните служби, соопштија од ЈП Македонијапат.

Туристичката понуда на Република Македонија и на Охрид е претставена на големиот Меѓународен саем за туризам „East Mediterranean International Tourism & Travel Exhibition- EMITT“ што од денеска до 3 февраури се одржува во Истанбул.

Околку 150 кумановци се вработиле преку самовработување, вработување и раст на правните субјекти, субвенционирање на плати и условен паричен надоместок, информираа денеска надлежните од Центарот за вработување Куманово.

Штип конечно ќе добие дневен Центар за лицата со посебни потреби над 18 години. Градоначалникот на Општина Штип, Благој Бочварски на денешната прес-конференција објави дека општината отстапува дел од просторот во Општинското основно училиште (ООУ) „Гоце Делчев“, каде ќе се отвори овој центар, а ќе се реконструира и опреми со помош на Министерството за труд и социјална политика.