Во Народниот театар „Јордан Хаџи Константинов-Џинот“ во Велес во тек се подготовките за nрвата годинашна премиера на претставата „Кредит“, по текст на Жорби Галсеран, во режија на Ненад Витанов, а сценографија на Филип Коруновски.

Хоспитализација за да се стабилизира здраствената положба, помош за плаќање на сметки и олеснување на секојдневното живеење предложија надлежните за семејството на прилепскиот поранешен бранител Драган Спасески.

– Оставена е прихрана за дивечот на повеќе реони во Гошинце, Извор, Думановце Лојане, Стража и други места. Самите ловџии оставаат прихрана за дивечот, информираше, членот на претседателството на друштвото, Јовица Стојиќ.

Министерството за земјоделство, шумарство и водостопанство(МЗШВ) денеска на штипските земјоделци сточари им ги презентираа можностите и поедноставното аплицирање за користење на средствата од европските фондови, односно од ИПАРД 2 Програмата, што е поделена во два сегмента, примарно земјоделско производство и преработка на земјоделски производи.

Патниот правец Маврово – Дебар е расчистен од лавината и прооден во двата правци, соопшти Авто-мото сојузот на Македонија.

Полициски службеници при Регионалниот центар за гранични работи Исток, во селата Киселица и Селник, во близина на државната граница со Република Бугарија, денеска во периодот од 10 до 15 часот, извршија посета на постари лица кои живеат сами во оддалечени средини на селата Киселица и Селник, кон кои е отежнат пристапот поради снегот.

Жителите од дебарското село Гари, област Мала Река, искажаа огромна благодарност до игуменот на Бигорскиот манастир, Анхимандрит Партениј со чиј благослов монасите од бигорското братство им излегле во пресрет и го деблокирале селото кое повеќе денови било завеано во снег.

По големите снежни врнежи што го зафатија кичевскиот регион сите улици се исчистени. Единствено проблем преставува чистењето на тротоарите, бидеќи голем дел на дуќани не се одзваа на апелот од општината за да го чистат просторот пред нивните локали.

Дваесеттина проценти од централното градско подрачје на Кавадарци е зафатено со возила што се неподвижни. Ова го покажала анализата на кавадаречката локална самоуправа, пред стартот на зонското паркирање во градот, кое треба да го реши проблемот со паркирањето.

Новата едукативна активност на Републичкиот совет за безбедност на сообраќајот на патиштата насловена „Без изговори“ која во себе содржи порака дека не постои доволно важен и силен изговор да настрадаш и да го загрозиш својот или животот на некој друг учесник во сообраќајот, денека се спроведува меѓу гевгеличани.