По еден топол оброк дневно од понеделник до петок и спакувана храна за сабота и недела веќе седум години добиваат 106 социјално загрозени, претежно повозрасни жители од селата Богомила, Теово, Оморани и Мартолци во општина Чашка.

Новиот снежен бран во источна и југоисточна Македонија нема да создаде проблеми на магистралните и регионалните патишта, смета раководителот на регионалната подружница на ЈП „Македонија пат”-Штип Кире Коцев.

Забраната за сообраќај за тешки товарни возила на патниот правец Дебар – Струга е укината во 16:15 часот, информираат од ЈП Македонија пат.

Околу илјада членови на градската библиотека „Гоце Делчев“ во Гевгелија во 2018 година прочитале околу 30.000 книги што, според библиотекарите, е бројка за почит.

Вкупно 19.137 сообраќајни прекршоци биле откриени од полицијата во текот на минатата година во тетовско, информираа од СВР Тетово. Според полициските податоци оваа бројка е за околу 3000 повеќе во однос на 2017-та година.

Од синоќа православните верници се поклонуваат пред моштите на Свети Василиј Велики. Во црквата „Свети Кирил и Методиј“ во Струмица, во чест на големиот празник Обрезание Господово и Свети Василиј Велики, традиционално се изложуваат на поклонение дел од моштите на овој светец.

Ване Лазаров од кавадаречкото село Бегниште, на четиригодишна возраст, синоќа прв пат беше маскиран во џоломар. Беше најмлад џоломар на василичарското празнување кое трае и денес.

Последниот извештај од здравствената безбедност на водата за пиење во Гевгелија, направен по извршената анализа на 25. минатиот месец од страна на Институтот за јавно здравје, покажува дека гевгеличани конечно пијат квалитетна и здрава вода од новиот водоснабдителен систем кој беше пуштен во употреба пред два месеца.

Главната карневалска вечер на годинашниов Интернационален струмички карневал ќе се одржи на 9 март, а трите главни карневалски денови се на 8, 9 и 10 март.

Заврши реконструкцијата на фасадата на Основниот суд во Битола, со што неговиот административен простор доби нов современ лик на кој впечатливо е поставена Јустиција, римската божица на правдата.