Водостојот на Треска кај Македонски Брод е за десет пати понизок од просечниот за јануари, на Пчиња кај Катлановска бања речиси за три пати, а на Крива Река кај Крива Паланка за повеќе од двојно, покажуваат последните мерења на Управата за хидрометеоролошки работи (УХМР).

Со традиционалното василичарско оро и палење на маските на двете друштва Горна и Долна маала во центарот на Вевчани попладнево ќе заврши годинашниот Вевчански карневал.

Минусни температури изутринава има насекаде низ Македонија, а најстудено е во Битола каде што се измерени 18 степени под нулата. Во Тетово е -16, во Прилеп -15, а -12 во Скопје.

Денеска е ден за сатира, за смеење и малку да се пошегуваме за да најдеме некое друго значење на она со што се занимаваме и го правиме секој ден. Ова го истакна министерот за информатичко општество и администрација Дамјан Манчевски пред официјалното отворање на Вевчанскиот карневал.

Во мај ќе бидат готови конаците на манастирот „Трескавец" кај Прилеп кои речиси шест години од опожарувањето се градат, информираат од прилепскиот „Завод и музеј".

Сообраќајот на државните патишта се одвива по наместа влажни коловози, наместа со остатоци од кашест снег по интервенцијата на дежурните служби од ЈП Македонија пат.

Во поширокиот дебарски регион, според наследената традиција, нема коледарчиња за Бадник, но затоа за Василица има деца суројчари.

Секој од нив носи чизми и чевли, изработени од својата компанија, сите препознатливи по одлична изработка на кожата, така што не може да не се забележи карактеристичниот дизајн и умешноста на работниците и занаетот што се пренесува со генерации во градот.

Џоломарите се подготвени, на Василица ќе ги избркаат лошите духови од Тиквешијата. Станува збор за група мажи со кожувчиња и грпки, лица исцрнети со саѓи, стапови и клопотарци со кои прават врева и на тој начин го бркаат злото за да направат пат за добрината. Во групата има и двајца мажи преправени во невеста и баба, кои ги симболизираат плодноста и мудроста.

Сообраќајот на државните патишта се одвива по претежно влажни коловози, наместа со остатоци од кашест снег на коловозот, по интервенција на дежурните екипи на ЈП Македонија пат.