Штипското комунално претпријатие „Исар“ за наредната година ќе има инвестиции пред се во водовод и канализација, најави директорот, Живко Тасев. Вкупната Програма на претпријатието изнесува 250 милиони денари.

Во Пехчево се одржа работилница за доближување на младите и локалната власт. Како што истакна Ана Марија Теохарова од здружението „Амброзија”, акцент на работилницата беше ставен на формата и начините преку кои младите можат да учествуваат во креирањето младински политики.

Утрово од скопскиот аеродром се реализирани две полетувања, едното за Лондон, а другото за Гетегорг, откако од вчера попладне и ноќеска поради магла и намалена видливост летовите беа откажани или пренасочени кон други аеродроми.

Во рамки на хуманитарната акција „Твоето малку е некому многу“, женскиот младински хор при МКЦ – Скопје под раководство на Сашо Татарчевски, вечер во Битола ќе одржи концерт насловен “JazzToVoice“.

Поради магла намалена видливост од 50 – 100 метри има кај Тетово и Штип, информираат од Автомото сојузот на Македонија.

Хуманитарно трчање денеска ќе се одржи од Струмица до Гевгелија за подигање на свеста за постоењето на ретка белодробна болеста – Пулмонална хипертензија.

„Македонија-Блокира“ најави дека денеска во периодот од 13:00 до 15:00 часот ќе го блокира патниот правец Кичево-Охрид.

Вечерва во Струмица во НУЦК „Антон Панов“ беше промовиран документарниот филм „Жртвите на семејно насилство-жртви на системот“. Филмот е авторско дело на новинарката Стојне Митева во продукција на Здружението на граѓани „Скај плус“.

Општина Велес годинава одлучи парите од буџетот наместо да се користат за купување нови новогодишни украси, календари и други промотивни материјали, да ги донира на социјално најзагрозените семејства. Вкупно 300 илјади денари ќе се поделат по три илјади денари на сто социјално загрозени семејства.

Крушево активно работи на развојот на туризмот и во иднина ќе продолжи да презема чекори во таа насока.