Светската банка вчера соопшти дека подготвува пакет помош од три милијарди американски долари за воено разурната Украина, кој ќе вклучи најмалку 350 милиони американски долари непосредни средства, објавија западните медиуми.

Руските сили синоќа го бомбардираа аеродромот во Чугујево во Харковската област, изјави советникот на украинскиот министер за внатрешни работи Антон Херашченко.

Претседателот на Венецуела, Николас Мадуро му даде „силна поддршка“ на рускиот колега Владимир Путин во денешниот телефонски разговор, додека руските трупи продолжуваат со инвазијата врз Украина, соопшти Кремљ.

Малку е веројатно дека украинската и руската делегација ќе се сретнат на утрешните планирани разговори, бидејќи барањата на Москва за прекин на инвазијата се „нереални“, соопшти кабинетот на турскиот претседател Реџеп Тајип Ердоган.

Амбасадорите на ЕУ се согласија да ги исклучат банките ВТБ, Русија и Откритие, како и Novikombank, Promsvyazbank, Sovcombank и VEB.Russia од системот СВИФТ, објави денеска новинската агенција Блумберг, повикувајќи се на договорената листа.

Конзулатот на Словенија е уништен во денешниот ракетен напад на руските сили на Плоштадот Слобода во Харков, објави на Твитер шефот на делегацијата на Европската унија во Украина, Мати Масикас.

Исто така, санкционирани се генерал-мајор Андреј Бурдико, заменик министер за одбрана за логистика и началник за логистика на белоруските вооружени сили; заменик-министер за одбрана и началник за вооружување, генерал-мајор Сергеј Симоненко; и заменик-министерот за одбрана, генерал-мајор Андреј Жук.

Католичката хуманитарна организација Каритас Полска соопшти дека ќе прими 2.000 деца од украинските сиропиталишта. Првата група од 300 деца се очекува да пристигне утре.

„Генералниот секретар е многу загрижен за употребата на тешко оружје против урбаните центри во Украина“, рече Стефан Дјужарик во Њујорк.

Русија започна процес за блокирање на независен ТВ канал и либерална радио станица поради „намерно лажни информации“ за руската инвазија на Украина.