Американскиот претседател Џо Бајден денеска изјави дека рускиот напад врз Украина бил со предумисла. Тој истакна дека рускиот претседател Владимир Путин ја отфрлил дипломатијата, а Русија започнала напад врз Украина кој не бил испровоциран од ништо.

САД го протераа вториот по ранг руски дипломат во Вашингтон како одмазда за протерувањето на американскиот дипломат број 2 во Москва, јавија американските медиуми.

Првите бегалци од Украина денеска по копнен пат и железница пристигнаа во Полска, членка на Европската унија, пренесува Бета.

Рускиот претседател Владимир Путин ќе биде „отфрлен на меѓународната сцена“ по инвазијата на неговата земја врз Украина, нагласи американскиот претседател Џо Бајден, откривајќи дека „нема планови“ да разговара со него.

„Како што кажав кристално јасно, САД ќе ја бранат секоја педа од територијата на НАТО со целосна американска моќ“, рече Бајден во обраќањето до нацијата од Белата куќа.

Еско Ахо, кој беше премиер на Финска од 1991 до 1995 година, поднесе оставка од управниот одбор на Сбербанк, најголемата руска банка.

Според нив, на Бајден му било понудено да користи американско кибер-оружје „од невидени размери“. Конечната одлука, како што соопштија двајца американски разузнавачи, се уште не е донесена.

Организацијата за безбедност и соработка во Европа соопшти дека привремено го евакуира странскиот персонал од Украина откако Русија изврши напад врз земјата.

Високиот комесаријат за бегалци на ОН (УНХЦР) денеска изрази сериозна загриженост за ситуацијата во Украина и предупреди на можни тешки хуманитарни последици.

Руското Министерство за одбрана потврди дека нејзините копнени сили влегле во Украина од Крим, што е прва потврда од Москва за напредувањето на нејзините копнени сили.