Премиерот Борис Џонсон рече дека новата варијанта резултирала и со приеми во болница. При посетата на клиниката за вакцинација во Лондон, тој инсистираше дека луѓето треба да ја „остават настрана идејата дека омикрон е поблага варијанта“.

Во Кентаки досега се потврдени 64 смртни случаи по низата катастрофални торнада што викендов удрија врз оваа и неколку други сојузни држави од централниот дел на САД.

Суд во германскиот град Трир денеска осуди осум лица за формирање илегален центар за обработка на податоци, сместен во поранешен воен бункер во западниот дел на земјата.

Турската лира денеска забележа уште еден остар пад на цената додека се чека најновата одлука од Централната банка на земјата за каматната стапка подоцна оваа недела, јави ДПА.

Владата на Бурунди посочи дека нема да дозволи влез во земјата на неодамна назначениот специјален известувач за човекови права на Обединетите нации.

Обвинител во Женева денеска соопшти дека, поради недостиг на докази, ја затворил истрагата против поранешниот шпански крал Хуан Карлос, осомничен за перење незаконски провизии од Саудиска Арабија.

Францускиот претседател Емануел Макрон, за време на неговата денешна посета на Будимпешта, вети дека ќе работи со унгарскиот премиер Виктор Орбан за области од взаемен стратешки интерес.

Организацијата на земјите извознички на нафта (ОПЕК) ја зголеми својата проценка за глобалната побарувачка на нафта на почетокот на 2022 година, проценувајќи дека новата варијанта на коронавирус, омикрон, само малку ќе влијае на светот кој веќе научи да живее со пандемијата.

Руските власти денеска се откажаа од воведувањето ограничувања за невакцинираните граѓани, што беа објавени минатиот месец и наидоа на остри критики во јавноста.

Локалните власти на шпанскиот Канарски остров Ла Палма донесоа одлука со која се бара речиси 33.000 жители на неколку општини да се засолнат во своите домови од отровните гасови што ги испушта вулканот Камбре Виеја, кој почна да еруптира пред три месеци.