Најмалку четири луѓе загинаа во пукотница во Фредериктон, во канадската провинција Њу Брунсвик, соопшти полицијата. Како што јави германската новинска агенција ДПА, граѓаните се предупредени да не ги напуштаат своите домови.

Топлотниот бран, кој ја погоди Северна Кореја, доведе до тоа оризот, пченката и другите култури во полињата да пропаднат, а последиците од тоа да бидат катастрофални, соопштија денеска меѓународните организации Црвениот крст и Црвената полумесечина.

Можно е воведувањето нови економски санкции кон Русија да се третира како објавување економска војна, на која мора да се одговори со сите економски, политички и други мерки, изјави рускиот премиер Дмитриј Медведев.

Градските власти во Њујорк одлучија наредната година да не издаваат дозволи за такси услуги по принципот „споделување бизнис“, што најмногу ќе ги погоди компаниите како што се „Убер“ и „Лифт“.

Американскиот режисер Мајкл Мур објави трилер за неговиот нов документарен филм под наслов „Фаренхајт 11/9“ во кој тврди дека американскиот претседател Доналд Трамп сака да биде доживотен претседател на САД и дека тој е веројатно последниот лидер на најсилната земја во светот.

Поранешните соработници на кампањата на американскиот претседател Доналд Трамп, Џејсон Осборн и Мајк Рубино се ангажирани како лобисти за политичка партија во БиХ, која фаворизира сепаратизам и соработува со Русија, тврди магазинот „Њузвик“ повикувајќи се на документи на владата на САД.

Боливискиот претседател Ево Моралес ја откри вчера спорната нова зграда на Владата во Ла Пас, јави ДПА.

Германското индустриско здружение ФГК-Клима, објави дека над 200.000 клима уреди се продадени оваа година, во споредба со просек од 150-160.000 во други години.

Германски компании се соочуваат со зголемена штета поради политиките на САД за санкции воведени од претседателот Доналд Трамп, вклучувајќи ги и оние против Иран, како и поради царините што ги воведува во трговската војна со Кина, предупредуваат германски бизнис асоцијации.

Финансиските превирања во Турција се алармантни - пад на турската лира за 30 отсто, пад на берзата за 17 отсто, скок на каматните стапки на државниот долг во лири на 18 отсто - тоа би можело да биде најава за објавување економско забавување во таа земја, можеби дури и рецесија.