Голем број полицајци на МУП на РС утрово беа распоредени во Источно Сараево дополнително обезбедувајќи ја зградата во која се наоѓаат канцелариите на ентитетските власти, од која главното седиште на СИПА е оддалечено помалку од еден километар.

Американската компанија за обезбедување на интернет услуги Старлинк е подготвена да влезе и на пазарот во Босна и Херцеговина, потврди денеска министерот за транспорт и врски на таа земја, Един Форто, по средбата со претставници на компанијата одржана во САД.

Неколку инспектори на СИПА, без поддршка од вооружени полицајци во униформи, се обидоа да влезат во владината канцеларија на РС во Источно Сараево за да му го врачат на Додик налогот за апсење, но тешко вооружени членови на МВР на РС го спречија нивното приближување.

Агентите на Државната агенција за истраги и заштита на Босна и Херцеговина (SIPA) все обиделе да го уапсат лидерот на босанските Срби, Милорад Додик, но биле спречени во намерата од припадниците на полицијата на Република Српска.

Студентите и граѓаните кои учествуваат во блокадите „ќе продолжат со насилства“, а државата „ќе го избере моментот кога насилството ќе заврши“, изјави вечерва српскиот претседател Александар Вучиќ, јави дописникот на МИА од Белград.

Кандидатката на Движењето Самоопределување Аљбуљена Хаџиу, и по третпат не успеа да обезбеди доволно гласови за функцијата претседател на Собранието на Косово.

Граѓаните на Хрватска покажуваат сè посилни негативни емоции кон политиката и политичарите, а расте и вербата во антисемитски теории на заговор, како и во теории за „големата фарма“ и дигитален надзор, покажува истражување на Јадранската опсерваторија за дигитални медиуми (ADMO) претставено денеска.

Претседателот на српската Демократска партија (ДС), Срѓан Миливојевиќ денеска до Обвинителството за организиран криминал поднесе кривична пријава против српскиот претседател Александар Вучиќ и други лица за „пукање кон граѓани на Србија“ на 15 март со звучно или акустично оружје, поткрепена со медицинска документација со согласност на граѓаните.

Српскиот министер за надворешни работи Марко Ѓуриќ денеска изјави дека безбедносните служби и државните органи имаат јасни и цврсти докази во врска со диверзијата на каналот Ибар-Лепенец, што се случи на 29 ноември лани, според кои е јасно дека во тој инцидент била вмешана и приштинската полиција. Тој додаде дека очекува реакција од меѓународните актери.

„Повикувам да престанат блокадите. Повикувам на разговори. Повикувам да се прекине малтретирањето и понижувањето на луѓето, прогонот и заканите што се водат девет дена пред РТС“, рече Ана Брнабиќ.