Хрватска ќе купи 12 француски борбени авиони „Рафал“ за да ги модернизира своите воздушни сили во договор вреден 999 милиони евра

Во Љубљана вечерва се одржа масовен протест против владата на премиерот Јанез Јанша, што е покриен со силно полициско обезбедување, кое предупреди дека станува збор за непријавен митинг и затоа ги повика учесниците да постапат според нејзините препораки, со дополнително предупредување дека ќе интервенира во случај на инциденти.

По видното намалување на бројот на заразени и починати од Ковид-19, Владата на Косово денеска одлучи да го укине полицискиот час, односно забраната за движење на граѓаните од 23 до пет часот, која беше во сила досега, како и да го продолжи работното време на угостителските објекти за еден час, односно до 23 часот, јави дописникот на МИА од Приштина.

Меѓународниот суд на правдата во Хаг денеска го одби барањето на одбраната на генералот Ратко Младиќ за одложување на изрекувањето на пресудата, закажано за 8 јуни. Поранешниот командант на армијата на Република Српска, генерал Младиќ (78), Хашкиот трибунал го осуди на доживотен затвор за геноцидот во Сребреница и злосторствата против човештвото во БиХ во војната од 1992-95 година.

Отворање на фитнес центрите, употребата на терените на отворено за мал фудбал и кошарка, намалување од 50 на 25 отсто на работата од дома за вработените во приватниот и државниот сектор, се новите олабавувања на мерките во Грција што попладнево ги соопшти заменик-министерот за цивилна заштита Никос Хардаљас, јави дописничката на МИА од Атина.

По презентирањето на финалниот извештај на анкетната комисија, во кој стои дека претседателот Илир Мета ги прекршил уставните надлежности, реагираше неговиот портпарол Теди Блуши.

Министерката за рударство и енергија, Зорана Михајловиќ, денеска со директорот на „Србијагас“, Душан Бајатовиќ, потпиша договор со кој сопственоста на „Транспортгас“ се пренесува од „Србијагас“ на Република Србија, јави дописникот на МИА од Белград.

Во финалниот извештај на албанската парламентарна анкетна комисија се наведува дека е утврдено оти со активноста и изјавите за време на изборната кампања и денот на изборниот молк, претседателот на државата Илир Мета ги прекршил неговите уставни надлежности.

Поранешниот лидер на босанските Срби, Радован Караџиќ, кој е осуден на доживотен затвор поради извршени воени злосторства, му се пожалил на своето семејство дека живее во нездрави услови во затворот во Велика Британија, каде што беше префрлен оваа недела, бидејќи таму има азбест, како и дека не му се почитуваат верските права.

Отворањето на Унијата кон нови држави, а особено кон оние од Западен Балкан, не само што е наш свесен политички избор, туку би рекол дека е историска мисија која брзо треба да започне, истакна грчкиот премиер Кирјакос Мицотакис по средбата со претседателот на Европскиот Совет Шарл Мишел