Во Албанија е уапсен Ф.Д. (32) граѓанин на Косово поради сомнеж дека се борел на страна на терористички групи, соопшти денеска албанската полиција.

Европскиот парламент ги повика властите на Босна и Херцеговина да продолжат со уставните, политичките и изборните реформи со цел да постигнат напредок во процесот на интеграција во ЕУ, јави дописникот на МИА од Стразбур.

Косовскиот претседател Хашим Тачи се сретна денеска со амбасадорот на Соединетите Американски Држави Филип Коснет, со кого, како што е објавено, разговарал за повеќе теми од заеднички интерес, меѓу кои и за дијалогот меѓу Косово и Србија, јави дописникот на МИА од Приштина.

Од американските партнери, како по дипломатски, така и по оперативен пат, имаме информации за трансфери на пари од Венецуела, особено од страна на Државната нафтена компанија (ПДВСА), за што се користени бугарски банкарски сметки, изјави главниот обвинител Сотир Цацаров, пренесе агенцијата БГНЕС.

Гумен чамец со бегалци се преврте североисточно од грчкиот остров Лезбос, по што крајбрежната служба спасила 51 лице и трага по 15-годишно девојче, јави дописничката на МИА од Атина.

Европскиот парламент во извештајот за односите меѓу Србија и Косово оцени дека решението на сложените политички предизвици изгледаат подалечни од кога било, а спротивставените ставови и понатаму се силни.

Српскиот претседател Александар Вучиќ денеска изјави дека не е заинтересиран да разговара со лидерите на опозицијата, додека за дијалог со граѓаните тој е секогаш отворен.

Копретседателот на косовскиот тим за преговори со Србија, лидерот на Социјалдемократската партија (ПСД), Шпенд Ахмети, по денешната средба со државниот врв на Косово, изјави дека ставовите по однос на такста од 100 отсто на увозот од Србија и Босна и Херцеговина остануваат непроменети, јави дописникот на МИА од Приштина.

Уставнот суд на Албанија денеска остана со само еден од вкупно деветте судии, колку што вкупно брои оваа институција во полн состав, откако беше разрешен судијата Гани Диздари.

Косовскиот премиер Рамуш Харадинај, гостувајќи во емисијата „Темпора“ на тиранската телевизија Ора њуз, побара од официјална Тирана да го задржи својот ставот за Косово како на 17 февруари 2008 година, кога беше прогласена косовската независност.