На масовните студентски протести во Тирана и повеќе градови низ Албанија, денеска им се приклучија и средношколците.

Косовскиот премиер Рамуш Харадинај порача дека зачленувањето на Косово во Европската унија ќе го зајакне мирот и ќе го ослабне влијанието на Русија, чиј интерес е „да одржува хаотична ситуација во регионот“, јави дописникот на МИА од Приштина.

Нова демократија останува на позицијата дека нема да гласа за Договорот од Преспа и ќе се бори за да не се ратификува. Овој став уште еднаш го повтори лидерот на најголемата грчка опозициска партија, Киријакос Мицотакис, говорејќи за време на промоцијата на новата книга на потпретседателот на Нова демократија, Костис Хаѕидакис, јави дописничката на МИА од Атина.

Река останува на првичната позиција и не го менува својот став во однос на Договорот од Преспа, но конечната одлука ќе ја кажат во грчкиот Парламент откако ќе го видат финалниот текст, објасни лидерот на партијата, Ставрос Теодоракис, по последните шпекулации и информации дека Река се двоуми дали да го поддржи решението меѓу Македонија и Грција кога ќе дојде за ратификација во грчкиот Парламент.

Косовскиот премиер Рамуш Харадинај денеска ќе објави нови мерки против Србија. По зголемувањето на царинските такси од 100 отсто за српски производи, Харадинај подготвува три нови мерки, од кои едната е забрана за употреба на динарот на косовска територија, пишува белградскиот весник „Блиц“, цитирајќи го приштинскиот аналитичар Фатмир Шехоли.

Министерот за правда на Косово Абељард Тахири е убеден дека од овој петок, 14 декември, Косово ќе има своја војска, јави дописникот на МИА од Приштина.

Припадници на српското Министерство за внатрешни работи во Бор, по налог на Основното јавно обвинителство денеска го уапсија Б.П. (1959) поради постоење сомневање дека извршил кривично дело полово вознемирување.

Учесници на протестен митинг против пристапувањето на Словенија кон Глобалниот пакт за миграцијата денеска го блокираа влезот на Парламентот во Љубљана и го запреа движењето по улиците.

Национален интерес на Бугарија е Македонија да биде дел од НАТО и да ги почне преговорите со ЕУ, порача денеска вицепремиерката на Бугарија Екатерина Захариева, одговорајќи на новинарски прашања по повод толкувањата околу историските прашања на двете земји.

Кога и да дојде Договорот од Преспа во парламентот, Движењето на промена нема да гласа за, бидејќи смета дека не ги гарантира националните интереси, вели портпаролот на партијата, Павлос Христидис во интервју за грчката државна телевизија ЕРТ.