Српската премиерка Ана Брнабиќ вечерва информираше дека во име на Владата поднела формално барање до Секретаријатот на ЦЕФТА за директни консултации во рамките на заедничкиот комитет во врска со зголемувањето на таксите од страна на Косово.

На состанокот на високо ниво на Европскиот парламент, на кој учествува албанска делегација, кипарскиот европратеник Такис Хаџигеоргиу побара објаснување за изјавата на албанскиот премиер Еди Рама на заедничката седница на владите на Албанија и на Косово,одржана во Пеќ, за „обединувањето на двете држави во 2025 година“ и како и за тврдењето за „дволична позиција на Србија“.

Косовскиот премиер Рамуш Харадинај најави дека утре ќе ги коментира оставките што денеска ги поднесоа градоначалниците на четири општини со мнозинско српско население во северно Косово, затоа што, како што рече, денеска е „зафатен со други задачи“, јави дописникот на МИА од Приштина.

Министрите за надворешни работи на Србија и на Босна и Херцеговина, Ивица Дачиќ и Игор Црнадак, на денешната средба во Белград најавија дека на следниот состанок на шефовите на диплоатиите од Западен Балкан ќе побараат од нив да се изјаснат за тоа дали ќе се почитуваат принципите на регионалната соработка.

Грчкиот премиер Алексис Ципрас во придружба на министерот за инфраструктура и транспорт на Грција, Христос Спирѕис, денеска, без новинари и медиуми, ненајавено ги посетија населбите Мати и Неос Вуѕас, кои во јули годинава беа зафатени од катастрофалниот пожар во кој животот го загубија 99 лица.

Протестот на косовските Срби во северна Митровица, организиран поради таксата од 100 отсто на увозот на производи од Србија, што ја воведе Владата на Косово, помина мирно и без инциденти, јави дописникот на МИА од Приштина.

Претседателот на косовското Собрание Кадри Весели, по денешните оставки на градоначалниците на четири општини со мнозинско српско население во северно Косово, оцени дека таа одлука е избрзана и штетна за жителите на тие општини, јави дописникот на МИА од Приштина.

Речиси двојно повеќе мигранти и бегалци од предвидениот капацитет има на грчките острови што се наоѓаат во близина на Турција и кои што се први на „удар“ на мигрантските бранови.

Воз што синоќа сообраќал на релација Александруполи – Комотини, усмртил четири лица, веројатно мигранти, а несреќата беше откриена утрово, кога вработените во грчката железница ги забележале распаднатите тела на шините.

Поранешнот албански претседател и екс премиер, Сали Бериша, изјавата на актуелниот албански премиер Еди Рама, дадена во косовскиот град Пеќ, ја смета за антиалбанска.