Состанок на највисоко ниво меѓу Белград и Приштина ќе биде одржан утре, 8 ноември во Брисел, со посредство на шефицата на европската дипломатија Федерика Могерини, соопшти Службата за надворешни работи на ЕУ.

Со воспоставување литургиско заедништво на сите православни цркви предводени од Цариградската патријаршијата, Црногорската црква ќе добие статус на домицилна црква, каква што била до 1918 година, изјави митрополитот на Црногорската православна црква (ЦПЦ), Михаило, додавајќи дека тоа ќе ги намали тензиите меѓу Србија и Црна Гора, како и во самата Црна Гора.

Телото на Константинос Кацифас, етнички Грк од Албанија, кој пред 11 дена беше убиен во престрелка со припадници на албанската специјална полициска единица „Ренеа“, е предадено на неговото семејство.

Едностраната одлука на властите во Приштина за зголемување на царините за артикли од Србија и од Босна и Херцеговина повеќе не е прашање за Србија, туку за меѓународната заедница – дали воопшто ќе го испочитува принципот за кој говорат, изјави шефот на српската дипломатијата Ивица Дачиќ.

Претседателот на косовското Собрание, Кадри Весели го нарече „расизам“ кон граѓаните на Косово, одбивањето на визната либерализација од страна на некои членки на Европската унија, јави дописникот на МИА од Приштина.

Според претставникот на УНХЦР, Пабло Запата, во периодт јануари-август годинава за азил аплицирале 3.000 Сиријци, за разлика од лани кога во текот на целата година имало 307 апликации.

Претседателот на Кипар Никос Анастасијадес го повтори неговиот предлог за воведување децентрализирана сојузна влада, доколку се постигне договор за повторно обединување на етнички поделената држава.

Грчката Влада и Грчката православна црква вчера постигнаа условен договор околу 10.000 свештеници и помошен персонал да се отстранат од платниот список на Владата, со што се отвора патот кон јасна поделба помеѓу црквата и државата.

Европската унија побара од косовските власти итно да ја објаснат одлуката за зголемување на даноците од 10 отсто за увозни стоки од Србија и од БиХ и очекува Приштина тие мерки да ги прекине.

Во 2007 година, Србија прогласи воена неутралност, која досега се почитува во меѓународните политички односи, но тој статус не е признаен во онаа смисла која подразбира исполнување на некои сериозни чекори во меѓународната политика, кои би резултирале со целосно препознавање и признавање на неутралноста.