Ставот дека Нова демократија нема да го ратификува Договорот од Преспа, ниту во овој ниту во следниот парламент, уште еднаш го повтори претседателот на партијата, Кирјакос Мицотакис, одговарајќи на новинарско прашање за време на неговата турнеја на грчкиот остров Кефалониа.

Косовската опозициска партија Движење Самоопределување (ВВ) побара морални оставки или разрешување на челници на безбедносните институции, поради скандалот со синот и внукот на директорот на Агенцијата за разузнавање (АКИ) Шпенд Маџуни, кај кои полицијата пред повеќе од една недела пронашла нелегално оружје и дрога, јави дописникот на МИА од Приштина.

Претседателот на српската опозициска „Народна странка“ Вук Јеремиќ, тврди дека претседателот Александар Вучиќ ги забрзува преговорите за разграничувањето и дека договорот меѓу него и косовскиот претседател Хашим Тачи треба да биде објавен во првите четири месеци од 2019 година.

Српскиот министер за одбрана Александар Вулин во интревју за весникот „Политика“, говорејќи за формирањето на косовската војска и разграничувањето, изјави дека на идејата за разграничувањето со „Голема Албанија“ најмногу се противат земјите од регионот-Црна Гора и Македонија.

Министерот за надворешни работи на Србија Ивица Дачиќ изјави дека САД ја смениле политиката кон дијалогот меѓу Белград и Приштина, но дека не се очекува да го повлечат признавањето на косовската независност.

Група од околу 10 лица, кусо по 6 часот утрово по локално време, со чекани и бои ја нападнаа Амбасадата на Канада во Атина, нанесувајќи материјална штета на објектот.

Повеќе од половина од албанските граѓани посакуваат да заминат во некоја побогата земја каде ќе имаат подобар живот и подобро образование, се наведува во студија изработена од професорот Расел Кинг од Универзитетот во Сасекс и албанскиот истражувач Илир Гедеши.

Грчката крајбрежна стража денеска во близина на островот Кефалонија во Јонското Море пресретна едреник со кој патувале околу 70 илегални мигранти.

Грчкиот премиер Алексис Ципрас денеска изјави дека повеќе не постои „нелогична употреба на специјалните фондови” во Министерството за надворешни работи иа Грција и дека веќе нема случаи пари „да се изнасуваат лево и десно во црни вреќи”, како што обвини во 2011 година.

Албанската опозициска Партија за правда, интеграција и единство (ПДИУ), позната како „партија на Чамите“, побара од претседателот на Албанија, Илир Мета да го свика Советот за национална безбедност, бидејќи, како што оцени, земјата се наоѓа во „вонредна национална состојба“.