Владејачката коалиција во Бугарија, државата која месецов го завршува претседавањето со ЕУ, „преживеа“ денеска гласање за недоверба, кое го побара опозицијата, обвинувајќи ја владата на премиерот Бојко Борисов за неуспешна борба против нараснатиот криминал.

Пратеничката на опозициското Движење Самоопределување (ВВ) Албулена Хаџиу поднесе денеска кривична пријава за косовскиот премиер Рамуш Харадинај и 17 други функционери, вицепремиери и министри, кои учествувале во донесуваењто на одлуката за зголемување на сопствените плати.

Три лица се уапсени денеска во Приштина и Скендерај (Србица), а едно во Германија, под сомнение дека извршиле терористички дејствија, јавува дописникот на МИА од Приштина.

Барање за поништување на Договорот од Преспа и барање за поништување на писмата од Грција до НАТО и ЕУ, испратија до Уставниот суд на Грција, Грчката федерација на културните здруженија на Македонците и Пан-Македонските асоцијации на Македонците од дијаспората.

Верувам дека историјата ќе ги оправда прогресивните сили и во двете земји, кои ги надминаа разликите од минатото и заедно создаваат надежна иднина, напиша Алексис Ципрас на Твитер, по состанокот на Европската социјалистичка партија, јави дописничката на МИА од Атина.

Веројатно негативно или сигурно негативно го оценуваат шест од 10 Грци Договорот од Преспа, покажува новото истражување на јавното мислење спроведено од агенцијата „Pulse“ за грчката телевизија Скај.

Потпретседателот на Владата на Косово Енвер Хоџај смета дека влијанието на Русија претставува закана за безбедноста на Балканот, додека спогодбата меѓу Скопје и Атина е придобивка за целиот регион во настојувањата за евроинтеграциите, јавува дописникот на МИА од Приштина.

Грчкиот министер за надворешни работи, Никос Коѕијас, потврди дека Грција и Албанија се пред финализирање на договорот за морската граница или како што ја нарекува ексклузивната економска зона.

На вонредната прес-конференција, Тачи оцени дека станува збор за „тешка фаза“ во тој процес и оти Приштина не смее да дозволи да „стане Палестина“.

Света Гора смета дека признавањето на македонскиот јазик и македонската националност од страна на грчката држава е „непочитување на историјата и вистината и предавство на националната свест на хеленизмот“.