Челзи најде замена за Жиру и Мората

Премиерлигашот Челзи е заинтересиран за купување на напаѓачот на Борнмаут Калум Вилсон. Лондонските сини ќе разговараат со тимот за купување на играч во зимскиот преоден рок, пишува „Мирор“.

Раководството на Челзи во Вилсон гледа замена за напаѓачите Алваро Мората и Оливие Жиру.

Од напаѓачите на Челзи и нивните ефекти во досегашниот дел од сезоната не е многу воодушевен тренерот Маурицио Сари.

Оваа сезона, Вилсон одигра 13 натпревари за Борнмаут, постигна седум гола и даде четири асистенции. Тековниот договор на играчот важи до 2022 година.