Мицкоски: Пред 3 месеци кажав дека постои Анекс на Договорот со Бугарија, ќе одговара ли Владата за ширење на лажни вести?

Пред три месеци во телевизиско интервју кажав дека постои Анекс на Договорот со Бугарија и бев брутално нападнат од партиско-медиумската машинерија на власта дека ширам лажни вести, вели Претседателот на ВМРО-ДПМНЕ Христијан Мицкоски на својот фејсбул профил откако Каракачанов објави дека на Македонија и е понуден Анекс на Договорот со 12 точки.

- Пред три месеци, во "Само интервју" на Канал 5 телевизија реков дека постои Анекс на Договорот со Бугарија. Тогаш од Заев, неговите немоќни соработници и владината лажлива пропаганда бев нападнат дека ширам невистини.

Денес, министер од бугарската Влада потврдува дека постои Анекс од 12 точки кој е даден до македонската Влада, а според информациите со кои располагам е со исклучително лоши позиции за македонскиот идентитет.

Оттука, имам две прашања: првото, ќе се извини ли владата што ширеше лажни вести, и второто, што содржи анексот од 12 члена кој Владата го крие од очите на јавноста? #сеближикрајот #одговорностморадаима, коментира Мицкоски.