Кевин де Бруин најверојатно ќе ја продолжи кариерата во Чикагo

По десет години во Премиер лигата, Кевин де Бруин може да ја продолжи кариерата во американскиот Чикаго Фаер, објавија повеќе медиуми.

Белгиецот има 189 гола во 10 сезони со четирикратниот шампион на Англија, Манчестер Сити. Тој неодамна објави дека ќе го напушти клубот кога ќе му истече договорот на крајот од сезоната.

Чикаго Фаер објави дека главна цел на тимот е да го потпише Де Бруин. Ди Си Јунајтед, Њујорк Сити ФК и Мајами исто така беа заинтересирани за фудбалерот.

Капитенот на Белгија претпочита да се пресели во МЛС пред клуб во Саудиска Арабија. Тој исто така не ја исклучува можноста за враќање во Премиер лигата или во тим во Европа како следен чекор во неговата кариера

-Отворен сум за сè, сè, само треба да ја погледнам целата слика. Го гледам спортот, семејството, сè заедно, што има најголема смисла за мене и моето семејство. Не знам што е тоа бидејќи зависи од тоа со какви луѓе преговарате и што тие велат за проектите. Како што реков, сè уште чувствувам дека можам да играм на добро ниво, но ќе морам да донесам одлука откако ќе дознаам малку повеќе, рече Де Бруин.

По 10 натпревари, Чикаго има скор од 3-3-4 и 12 бода, заземајќи го 11-то место во Источната конференција под водство на поранешниот селектор на американската репрезентација Грег Берхалтер. Тимот стигна до плејофот само еднаш (2017) во последните 12 сезони.