Дирк Кајт ќе тренира холандски второлигаш

Поранешниот напаѓач на Ливерпул, Дирк Кајт, е назначен за главен тренер на холандскиот второлигаш Дордрехт со договор од една сезона, соопшти клубот.

Поранешниот холандски репрезентативец, кој играше и за Феенорд и Фенербахче, беше отпуштен од Бершот (Белгија) минатата недела откако тимот заврши на дното на табелата и испадна од лигата.

Кајт ја освои титулата во втората лига и промоцијата со тимот претходната сезона. Неговата задача сега ќе биде да го претвори Дордрехт во кандидат за првата лига.

Тимот имаше само една сезона во првата лига на холандскиот фудбал за 30 години.

-Со големо задоволство се радувам на новата авантура во ФК Дордрехт. Овој тим стана стабилен клуб во последните години - тим кој игра добар и напаѓачки фудбал, но исто така развива многу млади таленти. Се радувам што ќе започнам што е можно поскоро, рече Кајт (44) во изјава за веб-страницата на клубот.