Во Кривичниот суд во Скопје денеска треба да продолжи судењето за предметот „Таргет-Тврдина” кој се однесува за незаконското следење на комуникациите.

Собранието на Република Македонија денеска ќе ја одржи втората седница на која на дневен ред е Предлог-одлуката за утврдување на бројот на потпретседатели.

Бројот на активни случаи на Ковид-19 во земјава и натаму се одржува на околу 3.000, од кои најмногу се во Скопје, Куманово, Гостивар, Штип и Тетово. Без активни на корона вирусот се само Крушево и Валандово.

Откако беше поднесено обвинение за случајот „Моќник“ предмет на поранешното специјално јавно обвинителство а во кое еден од обвинетите е и актуелниот пратеник од редовите на ВМРО-ДПМНЕ Антонио Милошоски, со реакција на социјалните мрежи излезе и Милошоски.

Стразбур ќе го оценува притворот на Душко Лазаров осуден на 15 години за настаните од 27 април, според правниците една од најапсурдните пресуди во историјата.

Предлог-составот на министрите од Демократската унија за интеграција останува непроменет, потврди лидерот на ДУИ, Али Ахмети во изјава за ТВ21 .

Лидерот на СДСМ Заев најави дека ќе го поднесе предлогот за влада откако пратениците кои треба да бидат министри ќе поднесат оставки, ќе бидат верифицирани мандатите на тие што ќе ги заменат и биде донесена одлука за бројот на потпретседатели на Собранието.

Владата на Република Македонија информира дека премиерот и министрите кои на последните избори беа избрани за пратеници, ја земат единствено и исклучиво платата за нивниот ангажман во Владата, до моментот на траење на нивниот ангажман во Влада, а не и од Собранието.

Скопското обвинителство до Кривичниот суд Скопје, поднесе обвинение за предметот „Моќник” кој претходно беше во обработен од страна на поранешното СЈО.

Вкупната бројка на ковид дијагностицирани во нашата земја од почетокот на епидемијата изнесува 13673, бројката на оздравени пациенти е 10150, на починати е 568, а во моментов бројот на активни случаи во земјата изнесува 2995.