Укината е забраната за тешки товарни возила на патен правец Гостивар-Кичево преку планински премин Стража, соопштија од ЈП Македонијапат.

Се укина забраната за тешки товарни возила на патниот правец Битола- Ресен преку планински премин Ѓавато, соопштија од ЈП Македонијапат.

Сообраќајот на патниот правец Македонска Каменица-Кочани е во прекин поради сообраќајна несреќа.

Голем број на жители на кумановското село Клечовце покажале интерес за бесплатните превентивни прегледи кои на терен, деновиве ги спроведоа екипите на Здравствен дом – Куманово во рамки на програмата на Министерството за здравство „Здравје за сите“.

Конфедерацијата на слободни синдикати под мотото „Пристоен живот“ одржа голем протест во Кичево.

Снегот што во текот на ноќта и утринава падна на територијата на Крива Паланка формираше снежна покривка од околу десет сантиметри во градскиот реон, додека на повисоките места изнесува околу педесетина сантиметри.

Локалната самоуправа на Кратово во соработка со институциите од областа на културата од општината организираат богата културно-забавна програма по повод патрон-празникот на градот, свети Ѓорги Кратовски, чиј спомен православната црква го честува на 24 февруари.

Нов снег наврна во кавадаречко. Од фирмата која од Општина Кавадарци е избрана за зимско одржување на улиците и патиштата, за МИА информираа дека сите општински дестинации се проодни.

Жителите на Пијанечко-малешевскиот регион од утрово се под нова снежна покривка. Најмногу снег наврна во Пехчево чија снежна покривка на места достигнува до 10 см, додека најмалку во Делчево каде снежната покривка изнесува најмногу пет сантиметри. Снег има и во Берово, таму снежната покривка се движи во висина од околу седум сантиметри.

Еуромакс Ресоурцес ја известува јавноста дека согласно Законот за граѓанска одговорност за навреда и клевета побара од одредени поединци да се извинат за паушалните и манипулативни изјави кои ниту се поткрепени со факти ниту со експертско мислење. Истите беа објавени на социјалните медиуми со цел да наштетат на реномето на Еуромакс, како и на проектот Иловица – Штука, а со тоа и врз вредноста на акциите на компанијата, која котира на берзата во Торонто.