Утрово најстудено е во Маврово, -9 степени, а максимални два се измерени во Дојран.

Сообраќајот на државните патишта се одвива по претежно суви коловози, освен на осојничавите места каде коловозите се влажни.

Продолжува хуманата мисија на волонтерите од Црвен крст – Делчево. Во просториите на општинската организација на Црвен крст се одржа втората дисеминациска работилница како дел од програмата „Црвен крст во акција – промоција на хумани вредности“. Во улога на инструктор на работилницата беше професор Орце Павлов, кој истакна дека ПХВ е проект кој веќе 20 години егзистира на територијата на Македонија.

Американскиот амбасадор Џес Бејли ја посети општина Битола и оствари работна средба со градоначалничката Наташа Петровска.

Еко акција за чистење и уредување на дворот спроведоа денес вработените на Агенцијата за храна и ветеринарство (АХВ) во координација со Министерството за животна средина и просторно планирање и во соработка со комуналната служба на Општина Аеродром. Акцијата која се реализира денес е во рамки на спроведување на владините мерки за намалување на аерозагадувањето и заштита и унапредување на животната средина.

Во детската градинка „Калинка“ во Валандово се одржа обука за ран детски развој и учење, наменета за професионален развој на вработените воспитувачи, стручни работници и соработници во истоимената предучилишна установа.

Во домот на Душко Георгиевски од делчевското село Илиово денеска се донирани кујнски елементи што се лична донација на делчевскиот градоначалник Горан Трајковски. Ова е четврта донација на Трајковски, кој досега во рамки на своите хумани мисии донираше покуќнина за социјално загрозени семејства во делчевските села Вирче, Тработивиште и Разловци.

Американскиот амбасадор Џес Бејли денеска оствари средба со кавадаречкиот градоначалник Митко Јанчев.

Општина Росоман бара повеќе вода од хидросистемот „Бошава”, за решавање на проблемот со недоволно вода за пиење со кој росоманци се соочуваат со години. Се реагира дека претходно бил направен пропуст кога било прифатено росоманци да добиваат вода од тој хидросистем само од 15 мај до 15 октомври, или само пет месеци во текот на годината.

Припадниците на Кривопаланечката Територијална противпожарна единица во текот на минатата 2018 година извршиле вкупно 46 интервенции од кои 12 биле со поголема материјална штета.