Општина Струга и Електрани на Македонија (ЕЛЕМ) со конзорциум на холандски компании ги истражуваат можностите за рехабилитација и надградба на влезната брана и истекот на рекатa Црн Дрим.

Во организација на Центарот за младински иницијативи „Цик-Цак“ од Крива Паланка работна група од млади лица од различни здруженија и организации од општината отпочна со работа на нацрт-стратегијата за млади во Крива Паланка.

Винарската визба „Тиквеш“ доби акредитација за организирање обуки на престижната Лондонска школа за вино и жестоки пијалаци – Wine & Spirits Education Trust (WSET), најголемиот светски провајдер на обуки во доменот на виното и жестоките пијалаци.

Градоначалниците од единаесетте општини од Источниот регион синоќа беа дел од организираното ноќно скијање на Пониква за да придонесат во промоцијата на капацитетите на планинскиот туристички центар.

Корисниците на социјална парична помош во Кичево од 26 декември до 28 јануари можеа да ги обноват документите за добивање помош, информираат денеска од Центарот за социјални работи во Кичево.

Во рамки на наставата по предметот општество и тематската целина за запознавање со други религии, но и проектот за меѓуетничка интеграција во образованието кој континуирано се работи во образовниот процес, петтоодделенци од основното општинско училиште „Тоде Хаџи Тефов” од Кавадарци денеска ја посетија кавадаречката џамија.

Три приоритетни проекти ќе реализира Општина Гевгелија со грантот од 2,5 милоиони евра на германската КФВ банка. Од шесте проекти што се планираат во општината, гевгелиските советници одлучија приоритет да биде комплетно инфраструктурно уредување на трите станбени населби преку изградба на водоводни инсталации, како и атмосферски и фекални канализации.

Одрони од карпи го блокираа патот кон кавадаречкото село Шешково.

На денешната вонредна седница на Советот на општина Дебар, Хекуран Дука, од ДУИ, е избран за вршител на должноста градоначалник на Дебар.

Одделението за управување со пазари при ЈПКД „Комуналец“ на дел од сопствениците на тезги на пазарот во ТЦ „Глобал“ во Струмица им го прекина снабдувањето со електрична енергија.