Во Росоман се носат и се оставаат кучиња од други места, констатира денеска Советот на Општината. На седницата на која се дискутираше за овој проблем, беше донесена Програма за благосостојба на животните.

Во Домот на културата во Валандово е поставена несекојдневна интересна изложба на одамна недопрени или заборавени книги, кои со децении ниту еднаш не биле позајмени од читателите на градската библиотека.

Комуналното јавно претпријатие „Водовод“ од Кочани го заврши поставувањето на фотоволтаични панели за производство на електрична енергија и во моментот ја спроведува постапката за добивање соодветна лиценца од Регулаторната комисија за енергетика и од другите државни институции.

Оптимист сум дека Владата ќе има волја позитивно да се реши проблемот на лозарите, рече денеска на прес конференција пратеникот Панчо Минов од Кавадарци. Тој нагласи дека има правен основ за исплата на долгот на лозарите од винарските визби за грозје купено во 2014, 2015 и 2016 година.

Советот на општина Битола донесе одлука за пренесување на правото на сервисирање и тековно одржување на електричната мрежа за уличното осветлување на подрачјето на општина Битола за град Битола, на ЈП ,,Комуналец“-Битола.

Возниот парк на општинското јавно претпријатие„Охридски комуналец“ од денеска е обновен со седум нови специјализирани возила. Со набавката, како што денеска беше истакнато на презентацијата на возилата, значително ќе се подобрат условите за работа на претпријатието, односно ќе се подобри системот за транспорт на комуналниот отпад од градот и околината.

Министерот за образование и наука Арбер Адеми денеска присуствуваше на отворањето на новата спортска сала на ОУ „Сабедин Бајрами“ во селото Камењане во општина Боговиње.

Во Тетово од денеска стапуваат во сила мерките и препораките за заштита од аерозагадување, поради надминување на прагот на алармирање на суспендирани честички со големина од 10 микрометри во два последователни денови.

За неколку денови Министерството за траспорт и врски ќе распише оглас за 37 социјални станови, а четири станови се доделени на Министерството за труд и социјална политика кои ќе бидат поделени на најранливите категории граѓани, рече денеска министерот за транспорт и врски Горан Сугарески кој во Струмица ја разгледа новоизградената социјална зграда.

Поради магла намалена видливост има на неколку планински превои низ државата, информира јавното претпријатие „Македонија пат“.