СВР-Битола за време на вчерашните сообраќајни контроли откриле дека тројца возaчи управувале нерегистрирано возило, а еден без да поседува возачка дозвола.

Општина Кочани објави конкурс за доделување стипендија на спортист – спортска надеж за остварени спортски резултати и достигнувања во 2018 година. Право да конкурираат за финансиската поддршка имаат спортисти кои се жители на општината и се на возраст од 17 до 20 години, при што треба да се членови во спортски клуб, друштво или асоцијација што е регистрирана во Агенцијата за млади и спорт со решение за вршење дејност спорт.

Поставувањето монтажна катна гаража кај кумановскиот Центар за култура ќе заврши до март, информира денеска градоначалникот на општина Куманово Максим Димитриевски.

Поголем број забележани одрони го забавија интензитетот на сообраќајот на патниот правец Делчево – Македонска Каменица – Кочани. Според информации на возачи кои утрово патуваа кон Скопје, забележителна била опасноста за возачите од големиот камен одрон што се наоѓа на коловозот од излезот на Каменица кон Кочани.

Општина Валандово ги почна активностите од првата фаза за инфраструктурно уредување на индустриската зона кај селото Јосифово.

Гевгелиската територијална противпожарна единица изминатата година интервенирала 141 пат при пожари, што се случиле на териториите на општините Гевгелија, Богданци и Дојран.

Со потпишување на договор со најповолниот понудувач за изработка на идејниот и основниот проект, општина Радовиш ги почна подготовките за изградба на гасоводна мрежа во должина од седум километри.

Водостојот на Треска кај Македонски Брод е 13 пати понизок од вообичаениот за јануари, а понизок од просечниот е и водостојот на сите останати реки во земјава со исклучок на Црн Дрим кај Ложани каде е ист со просекот, покажуваат последните мерења на Управата за хидрометеоролошки работи (УХМР).

Поради појава на магла намалена е видливоста од 50 до 100 метри во Битола и на планинскиот премин Стража. Слаб снег провејува на Попова Шапка, Ѓавато и Буково кој засега не се задржува на коловозот, информира во утринскиот извештај Автомотосојузот на Македонија (АМСМ).

Сите деца од Домот за деца без родители и родителска грижа „11 Октомври" се извлечени од оваа гломазна институција и сместени дел во згрижувачки семејства и во мали групни домови.