Вековна традиција, која шири духовен мир и божја благодет во домовите на преспани се негува во сите православни семејства на големиот христијански празник Свети Јован Крстител во преспанскиот регион.

Хуманитарен настан насловен „Хуманоста на дело“ ќе се одржи денеска во ресторанот „Амбрела“ организиран од Специјалните олимпијци на Македонија и Филозофскиот факултет во Скопје.

Поради магла намалена видливост до 50 метри има на планинскиот превој Стража, соопшти утринава Авто мото сојузот на Македонија.

Екипи на СВР Велес на подрачјето на Кавадарци лани изрекле 3100 казни согасно истиот закон, а што е цели 90 проценти повеќе од претходнатa 2017 година.

Од 27 декември минатата година не се мерат ПМ честичките во воздухот во Велес.

Пробиштип од наредната недела почнува со исплатата на долговите кон фирмите и институциите. На денешната седница на Советот на општина Пробиштип е донесена одлуката да почне подмирувањето на обврските кон оние на кои локалната власт им должи. На посебна сметка на општината од страна на Владата се добиени 37 милиони денари за намалување на долговите.

Проектот за рудникот Иловица-Штука се развива и согласно измените на законот за минерални суровини, кои на 9 јануари годинава беа изгласани во Собранието на Република Македонија, стои во изјавата на компанијата „Еуромакс ресоурцес“.

Кавадарци имаше рекордна година на основни приходи. Имавме остварени приходи од повеќе од 260 милиони денари.

Планот за крводарување во 2018 година во Кочани е реализиран 80 отсто, со што општинската организација на Црвениот крст е меѓу поуспешните во државата. Во рамки на доброволните акции, реализирани во изминатиот дванаесетмечен период, собрани се 1.004 единици со крв од сите крвни групи.

Во штипското основно училиште „Тошо Арсов“ по 14 години конечно ќе се променат прозорците. Поради старите дрвени прозорци постојано имаше провев, а учениците и наставниците немаа добри услови за настава.