Кумановските ловџии, членови на ловџиското друштво „Шќипоња“ од Липково, деновиве извршиле прихрана на дивеч во липковскиот регион. Ловџиите на повеќе места во овој регион оставиле сено, детелина, сол и пченка за прихрана на срните, дивите свињи и друг вид дивеч.

Поранешниот градоначалник на Општина Росоман од редовите на ВМРО ДПМНЕ, Стојанче Лазов, се пофали дека со стрела убивал диви свињи.

Со концерт на гудачкиот квартет ,,Вива Стрингс”, продолжува богатата културна понуда која во Делчево почна за време на новогодишните и божикните празнувања.

Од 8 до 10 февруари во Крушево ќе се одржи фестивалот „When in Krusevo" („Кога си во Крушево").

Општина Кочани влезе во проектот „Зајакнување на општинските совети“, финансиран од Швајцарската агенција за развој и соработка (SDC), што го реализира Програмата за развој на Обединетите нации (UNDP).

Се прошируваат детските градинки во Кавадарци, се доградуваат шест занимални, од кои две во градинката во село Ваташа и четири во една од градинките во градот.

Советот на општина Гевгелија во изминатава 2018 година одржал 15 седници на кои расправал за разни прашања од своја надлежност. На дневен ред пред советниците се нашле вкупно 279 акти од кои за 226 било дадено зелено светло.

Замрзна дел од крајбрежјето на Охридското Езеро во близина на „Женска плажа“ во Струга. Ниските температури кои ноќе достигнуваат и до минус 16 степени целзиусови доведоа до мрзнење и на поплитките делови од езерото кај Калишта, Радожда и во Охрид.

Домаќинствата и фирмите кои имаат долгови кон штипското комунално претпријатие „Исар“ најдоцна до утре треба да си ги подмират или можат да склучат договори за плаќање на рати.

Кирил Барбареев универзитетски професор на Факултетот за образовни науки при Универзитетот „Гоце Делчев“-Штип е прогласен за Амбасадор на најдобрите наставници од екс југословенските простори. Тој е добитник на Драгманов медал за европска комуникација, односно награда за чест, што се доделува како благодарност за придонес на академската заедница, но и како морална обврска и понатаму со академската работа да ги шири идеите за европско единство.