Нова градинка со капацитет да згрижи околу 140 деца почна да се гради во село Стајковци. Градинката ќе има шест занимални за деца од две до шест години и една група јасли за деца до две години. Вредноста на проектот е во висина од 30 милиони денари, средства обезбедени од општина Гази Баба. Изградбата на градинката треба да заврши до октомври наредната година.

Дневен центар за стари и возрасни лица беше отворен денеска во село Извор, Чашка. Во Дневниот центар ќе биде обезбеден и топол оброк за социјално загрозените лица од Народна кујна Велес.

Фолклорни групи и оркестри кои работат во состав на Националната установа Центар за култура „Никола Јонков Вапцаров“ вечер ќе настапат на завршниот новогодишен концерт. Директорот на установата, Методи Толевски информира дека на концертот и годинава ќе биде претставена традиционалната песна и игра од Пијанец.

Градоначалникот на општина Штип, Благој Бочварски денеска подели околу 200 новогодишни пакетчиња на децата со посебни потреби во Општинското основно училиште „Ванчо Прќе“, центрите за деца со посебни потреби и за аутизам, средното специјално училиште „Искра“, и на децата кои се хоспитализирани на Педијатрија во штипската Клиничка болница.

Во Делчево се поголем е бројот на ученици кои сакаат да станат дел од детскиот црковен хор. Како што информира Протоереј Александар Васев, старешина на храмот „Успение на Пресвета Богородица“ во Делчево, зголемувањето на интересот за црковното пеење кај учениците се должи најмногу на залагањето на нивните наставнички кои и самите редовно го посетуваат црковниот хор за возрасни.

На површина од 650 метри квадратни, во дворот на основното училиште „Кочо Рацин“ во Нов Дојран денеска почна да се гради спортската сала во рамки на владиниот проект за изградба и опремување на 145 училишни спортски згради.

-Почетокот е многу лош, мислам таква суша и такво доцнење на сеидбите не е запаметено. Земјоделците се трудеа, колку можеа, што би рекле на брзина, непочитувајќи ги сите норми, временски ограничувања. Некои чекаат семе, па не можеа да го дочекат, вели Шаклев.

Систематски активности за заштита на балканскиот рис на подрачјето на националниот парк „Маврово“ се предвидени со акцискиот план што беше промовиран пред сите засегнати страни во НП „Маврово“ од страна на Македонско еколошко друштво и ќе се спроведува до крај на 2020 година, информираат оттаму.

Реагираме на одлуката на Владата на Р.М. за смена на сегашниот в.д. директор на националниот парк Галичица, бидејќи сметаме дека за соодветно управување со заштитените подрачја во земјава потребни се стручни кадри со искуство во областа на раководни позиции кои ќе носат одлуки за унапредување на подрачјето.

Општина Крива Паланка распиша конкурс за избор на најубаво украсени новогодишни објекти. Конкурсот предвидува награди во две категории – за најубаво украсен деловен објект- осветлен излог и најубаво украсен станбен објект.